തിരുവന്തപുരം: മഹാനവമിയുടെ പശ്ചാത്തലത്തില് വെളളിയാഴ്ച സംസ്ഥാനത്ത് സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും പൊതുഅവധി പ്രഖ്യാപിച്ചതോടെ പരീക്ഷകള് മാറ്റി. നാളെ നടത്താനിരുന്ന പരീക്ഷകള്, അഭിമുഖങ്ങള്, കായികക്ഷമതാ പരീക്ഷകള് എന്നിവ മാറ്റിവച്ചെന്ന് പി എസ് സി അറിയിച്ചു.
സര്വീസ് വെരിഫിക്കേഷന്, പ്രമാണ പരിശോധന എന്നിവയും മാറ്റി. ഇവയുടെ പുതുക്കിയ തീയതി പിന്നീട് അറിയിക്കും.
നെഗോഷ്യബിള് ഇന്സ്ട്രമെന്റ് ആക്ട് പ്രകാരമാണ് വെളളിയാഴ്ച സംസ്ഥാനത്ത് മുഖ്യമന്ത്രി പൊതു അവധി പ്രഖ്യാപിച്ചത്. അതേസമയം നിയമസഭയ്ക്ക് അവധി ബാധകമല്ല. നിയമസഭാ സമ്മേളനം വെളളിയാഴ്ചയും ചേരുമെന്ന് ഔദ്യോഗിക അറിയിപ്പ് ഉണ്ട്.
