തിരുവനന്തപുരം: കഴക്കൂട്ടത്ത് സിവില് സര്വീസ് പരിശീലനത്തിനെത്തിയ വിദ്യാര്ഥിനിയെ അപ്പാര്ട്ട്മെന്റില് കയറി ബലാത്സംഗം ചെയ്തതായി പരാതി. രണ്ട് ദിവസം മുമ്പാണ് സംഭവം. വിദ്യാർത്ഥിനി താമസിക്കുന്ന മുറിയില് എത്തിയ സുഹൃത്ത് കൂപ്പര് ദീപു എന്ന ദീപു പെണ്കുട്ടിയെ ബലാത്സംഗം ചെയ്തതെന്നാണ് പരാതി.
ദീപുവിന്റെ കൈവശം പെണ്കുട്ടിയെ പീഡിപ്പികുന്ന ദൃശ്യം ഉണ്ടെന്നും പോലീസിന് നൽകിയ മൊഴിയിൽ വിദ്യാർത്ഥിനി പറയുന്നു. സംഭവത്തിനുശേഷം കൂപ്പര് ദീപു കേരളം വിട്ടതായാണ് ലഭിക്കുന്ന സൂചന. സംഭവത്തിൽ പെണ്കുട്ടിയുടെ പരാതിയില് കഴക്കൂട്ടം പോലീസ് കേസ് രജിസ്റ്റര് ചെയ്തു. പ്രതിക്കായി അന്വേഷണം ഊര്ജിതമാക്കിയതായി പോലീസ് അറിയിച്ചു.
