കണ്ണൂര്‍: തളിപ്പറമ്പില്‍ നിന്ന് കാണാതായ 14 വയസുകാരനെ കണ്ടെത്തി. കോഴിക്കോട് റെയില്‍വേ സ്റ്റേഷനില് പരശുറാം എക്‌സ്പ്രസില്‍ നിന്നാണ് പൂക്കോത്ത് തെരുവിലെ ബാലനെ റെയില്‍വേ പൊലീസ് കണ്ടെത്തിയത്. കഴിഞ്ഞ ദിവസം വൈകിട്ട് മുതലാണ് ബാലനെ കാണാതായത്.
സ്‌കൂള്‍ വിട്ടതിന് ശേഷമാണ് ബാലനെ കാണാതായത്.സ്‌കൂള്‍ യൂണിഫോമില്‍ തന്നെയായിരുന്നു ബാലന്‍. പിന്നീട് പക്കളത്ത് കൂട്ടുകാര്‍ക്കൊപ്പം കുട്ടിയെ കണ്ടിരുന്നു. ബന്ധുവീട്ടിലേക്ക് പോകുകയായിരുന്നു എന്നാണ് കുട്ടി പറഞ്ഞത്. പിന്നീട് പലയിടത്തും അന്വേഷിച്ചെങ്കിലും കുട്ടിയെ കിട്ടിയില്ല.
ബുധനാഴ്ച രാവിലെ 11 മണിക്ക് ഇന്‍സ്റ്റാഗ്രാമില്‍ നിന്ന് അമ്മയ്‌ക്ക് കുട്ടി സന്ദേശമയച്ചിരുന്നു. സുരക്ഷിതനാണെന്നും ഉടന്‍ മടങ്ങിവരുമെന്നുമാണ് അറിയിച്ചത്. ഉച്ചയോടു കൂടി വീഡിയോ കോള്‍ ചെയ്തു. മലപ്പുറത്തുണ്ടെന്നും ട്രെയിനില്‍ വരികയാണെന്നും പറഞ്ഞത് പ്രകാരം റെയില്‍വേ റെയില്‍ പൊലീസ് നടത്തിയ അന്വേഷണത്തില്‍ ബാലനെ കണ്ടെത്തുകയായിരുന്നു.
