ന്യൂദല്ഹി: ഇസ്ലാമിനകത്തെ ജാതിയെക്കുറിച്ച് കോണ്ഗ്രസ് പറയാത്തത് എന്തുകൊണ്ടാണെന്ന ചോദ്യവുമായി പ്രധാനമന്ത്രി മോദി. ഹിന്ദുവിലെ ഒരു ജാതിയെ മറ്റൊരു ജാതിയുമായി പടവെട്ടിക്കാനാണ് രാഹുല് ഗാന്ധി ശ്രമിക്കുന്നതെന്നും മോദി ആരോപിച്ചു.
ഹരിയാനയിലെ വന് തെരഞ്ഞെടുപ്പ് വിജയത്തിന് ശേഷമുള്ള പ്രസംഗത്തിലാണ് മോദി രാഹുല് ഗാന്ധിയെ കടന്നാക്രമിച്ചത്. “കോണ്ഗ്രസിന്റെ നയം ഹിന്ദുമതത്തിലെ ഒരു ജാതിയെ മറ്റൊരു ജാതിയുമായി യുദ്ധം ചെയ്യിക്കുക എന്നതാണ്. കോണ്ഗ്രസും രാഹുല് ഗാന്ധിയും ഹിന്ദുക്കള്ക്കിടയില് മാത്രം ഭിന്നതയുണ്ടാക്കാനാണ് ശ്രമിക്കുന്നത്.”. – മോദി പറഞ്ഞു.
“ഹിന്ദുക്കള് എത്രയ്ക്കധികം ഭിന്നിക്കുന്നുവോ അത്രത്തോളം കോണ്ഗ്രസിന് നേട്ടമാണ്. ഓരോ ദിവസവും അവര് വെറുപ്പിന്റെ വിത്തുകള് ജനങ്ങള്ക്കിടയില് വിതയ്ക്കുകയാണ്. “- മോദി അഭിപ്രായപ്പെട്ടു.
