കൊല്ലം: പോളയത്തോട് കാറും കെഎസ്ആര്ടിസി ബസും കൂട്ടിയിടിച്ചുണ്ടായ അപകടത്തില് യുവാവിന് ദാരുണാന്ത്യം. ഇരിങ്ങാലക്കുട സ്വദേശി സരീഷ് പിആര് ആണ് മരിച്ചത്. ഇന്നലെ രാവിലെ 7.40-ഓടെ പോളയത്തോട് പഴയ കച്ചേരിക്ക് സമീപമായിരുന്നു അപകടം.
ചാത്തന്നൂരിലെ ഭാര്യവീട്ടിലേക്ക് പോകുകയായിരുന്ന സരീഷിന്റെ കാറും എതിര് ദിശയിലെത്തിയ കെഎസ്ആര്ടിസി ബസും തമ്മിലാണ് കൂട്ടിയിടിച്ചത്. ബസിന്റെ വലത് ഭാഗത്ത് ഇടിച്ച് കയറിയ കാറിനുള്ളില് കുടുങ്ങിയ നിലയിലായ സരീഷിനെ അരമണിക്കൂറോളം പണിപ്പെട്ടാണ് പുറത്തെടുത്തത്. തലയ്ക്ക് ഗുരുതരമായി പരിക്കേറ്റ സരീഷിനെ ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
