വയനാട്:പൂക്കോട് വെറ്ററിനറി കോളേജ് ഹോസ്റ്റലില് മരിച്ച സിദ്ധാര്ഥന്റെ മുറിയില് നിന്ന് സാധനങ്ങള് കാണാതായെന്ന് പരാതി. കണ്ണടയും പുസ്തകങ്ങളും ഉള്പ്പെടെ 22 സാധനങ്ങളാണ് കാണാതായത്.
ഹോസ്റ്റല് മുറിയില് നിന്ന് സിദ്ധാര്ഥന്റെ സാധനങ്ങളെടുക്കാന് ബന്ധുക്കള് എത്തിയപ്പോഴാണ് വിവരം പുറത്ത് അറിയുന്നത്. കോളേജ് അധികൃതര്ക്കും പൊലീസിലും ബന്ധുക്കള് പരാതി നല്കി.
എന്നാല് കേസ് അന്വേഷിച്ച പൊലീസും സിബിഐയും സാധനങ്ങള് കൊണ്ടുപോയിരിക്കാം എന്നാണ് അധികൃതര് പറയുന്നത്. ഈ വര്ഷം ഫെബ്രുവരി 18നാണ് സിദ്ധാര്ഥനെ ഹോസ്റ്റലിനോടനുബന്ധിച്ചുളള ഡോര്മിറ്ററിയില് മരിച്ചനിലയില് കണ്ടെത്തിയത്.
രണ്ടുദിവസം തുടര്ച്ചയായി സഹപാഠികളടക്കമുള്ള വിദ്യാര്ഥികള് മര്ദിച്ചതിനെ തുടര്ന്ന് സിദ്ധാര്ഥന് ജീവനൊടുക്കിയന്നാണ് സിബിഐ കണ്ടെത്തല്.
