മഞ്ചേരി: സൂപ്പര് ലീഗ് കേരളയില് ഇന്നലെ നടന്ന് മത്സരത്തില് ഫോഴ്്സ കൊച്ചി എഫ്സിക്ക് ജയം. ഏകപക്ഷീയമായ ഒരു ഗോളിന് തൃശൂര് മാജിക്കിനെ പരാജയപ്പെടുത്തി. കൊച്ചി ഫോഴ്സയുടെ തുടര്ച്ചയായ രണ്ടാം വിജയമാണിത്. 74-ാം മിനിറ്റില് സെയ്ദ് മുഹമദ് നിഥാലാണ് വിജയഗോള് നേടിയത്. വിജയത്തോടെ ഫോഴ്സ കൊച്ചിക്ക് 8 പോയിന്റായി.
കളിയുടെ തുടക്കം മുതല് തന്നെ തൃശൂര് മാജിക്ക് എഫ്സിയുടെ മുന്നേറ്റങ്ങളായിരുന്നു. എന്നാല് നിരവധി അവസരങ്ങള് അവര് സൃഷ്ടിച്ചെങ്കിലും ആദ്യ പകുതിയില് ഒരു ഗോള് നേടാന് അവര്ക്കായില്ല. മറുവശത്ത് സാവധാനം കളംപിടിച്ച ഫോഴ്സ കൊച്ചിയും മികച്ച നീക്കങ്ങളുമായി കളം പിടിച്ചെങ്കിലും ഗോള് വിട്ടുനിന്നു.
രണ്ടാം പകുതിയില് ഗോള്കീപ്പറെ മാറ്റി കൊണ്ടാണ് തൃശൂര് എഫ്സി കളി തുടങ്ങിയത്. ഒടുവില് 74-ാം മിനിറ്റില് ഫോഴ്സാ കൊച്ചിയുടെ ആരാധകരെ ആവേശം കൊള്ളിച്ച ബ്രസിലിയന് താരം സെയ്ദ് മുഹമദ് നിഥാല് ഗോള് നേടി. തൃശൂര് മാജിക്ക് എഫ്സിയുടെ തുടര്ച്ചയായ രണ്ടാം പരാജയമാണിത്.
ജന്മഭൂമി ഓണ്ലൈന്