മക്കാവു: ഭാരതത്തിന്റെ പുരുഷ സിംഗിള്സ് ബാഡ്മിന്റണ് താരം കിഡംബി ശ്രീകാന്ത് മക്കാവു ഓപ്പണ് ക്വാര്ട്ടറില് കടന്നു. വനിതാ ഡബിള്സ് താരങ്ങളായ ട്രീസ ജോളിയും ഗായത്രി ഗോപിചന്ദും ക്വാര്ട്ടറിലേക്ക് മുന്നേറിയിട്ടുണ്ട്.
പരിക്കിനെ തുടര്ന്ന് വിശ്രമത്തിലായിരുന്ന ശ്രീകാന്ത് ആറാം സിഡ് താരമായാണ് മക്കാവുവില് മത്സരിക്കുന്നത്. ഇന്നലെ നടന്ന മത്സരത്തില് ആയുഷ് ഷെട്ടിയെ ആണ് ശ്രീകാന്ത് ഇന്നലെ നേരിട്ടുള്ള ഗെയിമുകള്ക്ക് തോല്പ്പിച്ചത്. സ്കോര്: 21-13, 21-18.
ക്വാര്ട്ടറില് ഹോങ്കോങ് താരം എന്ജി കൈ ലോങ് ആന്ഗുസ് ആണ് ശ്രീകാന്തിന്റെ എതിരാളി. ഇതുവരേ ഇരുവരും ഏറ്റുമുട്ടിയ മത്സരങ്ങളില് നാലെണ്ണം വീതം ആന്ഗസും ശ്രീകാന്തും ജയിച്ചിട്ടുണ്ട്.
വനിതാ ഡബിള്സില് ഭാരത താരം ട്രീസ-ഗായത്രി സഖ്യം ചൈനീസ് തായ്പേയി ജോഡികളയെയാണ് തോല്പ്പിച്ചത്. നേരിട്ടുള്ള ഗെയിമുകള്ക്ക് മത്സരിച്ച താരങ്ങള് 38 മിനിറ്റുകള് കൊണ്ട് മത്സരം അവസാനിപ്പിച്ചു.
