കോലപ്പൂർ: കേന്ദ്ര ആഭ്യന്തര മന്ത്രി അമിത് ഷാ മഹാരാഷ്‌ട്രയിലെ കോലപ്പൂരിലുള്ള പ്രശസ്തമായ ശ്രീ മഹാലക്ഷ്മി ക്ഷേത്രം സന്ദർശിച്ചു. കോലപ്പൂർ ജില്ലയിലെ ബിജെപി ഭാരവാഹികളുടെയും പ്രവർത്തകരുടെയും യോഗത്തെ അഭിസംബോധന ചെയ്യാനായിട്ടെത്തിയ വേളയിലാണ് അദ്ദേഹം ക്ഷേത്രം സന്ദർശിച്ചത്.
ഇന്നലെ വൈകിട്ട് എത്തിയ ഷാ ആദ്യം ശ്രീ മഹാലക്ഷ്മി ക്ഷേത്രത്തിലെത്തി ദേവിയുടെ പൂജ ചടങ്ങുകളിൽ പങ്കെടുത്തു. പശ്ചിമ മഹാരാഷ്‌ട്ര ദേവസ്ഥാൻ കമ്മിറ്റി പ്രസിഡൻ്റും ജില്ലാ കളക്ടറുമായ അമോൽ യെഡ്ജ്, സെക്രട്ടറി ശിവരാജ് നായ്‌ക്‌വാദി, മഹാദേവ് ഡിൻഡെ എന്നിവർ ഷായെ മഹാലക്ഷ്മിയുടെ പകർപ്പ് നൽകി സ്വാഗതം ചെയ്യുകയും ആദരിക്കുകയും ചെയ്തു.
മഹാരാഷ്‌ട്ര ഉപമുഖ്യമന്ത്രി ദേവേന്ദ്ര ഫഡ്‌നാവിസ്, സംസ്ഥാന ബിജെപി അധ്യക്ഷൻ ചന്ദ്രശേഖർ ബവൻകുലെ തുടങ്ങിയവർ ചടങ്ങിൽ പങ്കെടുത്തു.
