തിരുവനന്തപുരം: പാറശാലയില് ആറയൂരില് നിന്നും കാണാതായ 15 കാരനെ കണ്ടെത്തി. കര്ണാടക, മംഗലാപുരത്ത് നിന്നും റെയില്വേ പൊലീസാണ് ആദിത്യനെ കണ്ടെത്തിയതെന്ന് പാറശാല പൊലീസ് അറിയിച്ചു.
ഇന്നലെ രാത്രി അയല്പക്കത്തുള്ള മുത്തശിയുടെ വീട്ടില് ഉറങ്ങാന് പോയിരുന്നു.എന്നാല് പുലര്ച്ചെ കുട്ടിയെ കാണാതാകുകയായിരുന്നു.
കുട്ടിയുടെ മുറിയില് നിന്ന് ഒരു കത്ത് കിട്ടിയിരുന്നു.നല്ല നിലയിലായതിന് ശേഷം തിരിച്ചു വീട്ടിലേക്കെത്താമെന്നാണ് കത്തില് എഴുതിയിരുന്നത്.
കെട്ടിട നിര്മ്മാണ തൊഴിലാളിയായ പിതാവ് സതീഷും മകന് ആദിത്യനും മാത്രമാണ് വീട്ടില് താമസിച്ചിരുന്നത്.
