കോട്ടയം: കുമരകം കൈപ്പുഴമുട്ടില് നിയന്ത്രണം വിട്ട കാര് ആറ്റില് പതിച്ച് രണ്ട് മരണം. കൈപ്പുഴമുട്ട് പാലത്തിനു സമീപമാണ് അപകടം. കാറില് ഉണ്ടായിരുന്ന മഹാരാഷ്ട്ര സ്വദേശികളാണ് മരിച്ചത്.
തിങ്കളാഴ്ച രാത്രി 8.45 നായിരുന്നു അപകടമുണ്ടായത്. കാറില് ഉണ്ടായിരുന്നവരുടെ നിലവിളികേട്ടാണ് നാട്ടുകാര് ഓടിയെത്തിയത്. ഉടന് തന്നെ നാട്ടുകാരുടെ നേതൃത്വത്തില് നടത്തിയ തെരച്ചിലില് കാര് കണ്ടെത്തി.
തുടര്ന്ന് അഗ്നിശമന സേന നടത്തിയ തെരച്ചിലിലാണ് മൃതദേഹങ്ങള് കണ്ടെത്തിയത്. മൃതദേഹങ്ങള് പോസ്റ്റ്മോര്ട്ടത്തിനായി ആശുപത്രിയിലേക്ക് മാറ്റി.
മരിച്ചവരില് ഒരാള് യുവതിയാണ്.ഗൂഗിള് മാപ്പ് നോക്കിയാണോ ഇവര് വാഹനമോടിച്ചതെന്ന് സംശയമുണ്ട്.
