തിരുവനന്തപുരം: വയനാട് ദുരന്ത നിവാരണക്കണക്ക് വിവാദത്തില്‍ മാധ്യമങ്ങളെ വിമര്‍ശിച്ച് മുഖ്യമന്ത്രി പിണറായി വിജയന്‍. മാധ്യമങ്ങള്‍ രീതി പരിശോധിക്കപ്പെടണമെന്ന് മുഖ്യമന്ത്രി പറഞ്ഞു. വയനാട്ടിൽ ചെലവിട്ട കണക്കുമായി സർക്കാർ എന്നായിരുന്നു കഴിഞ്ഞ ദിവസങ്ങളിലെ പ്രമുഖ മാധ്യമങ്ങളുടെ തലക്കെട്ട്. പെട്ടെന്ന് കേൾക്കുമ്പോ ആരും ഞെട്ടിപ്പോകുന്ന തരത്തിലാണ് കണക്കുകളാണ് മാധ്യമങ്ങള്‍ അവതരിപ്പിച്ചത്. യാഥാർത്ഥ്യം എന്തെന്ന് മാധ്യമങ്ങൾ അന്വേഷിക്കണമായിരുന്നു. ഇവിടെ നടക്കുന്നത് നശീകരണ മാധ്യമപ്രവർത്തനമെന്നും മുഖ്യമന്ത്രി വിമർശിച്ചു.
മെമ്മോ റാണ്ടം തയാ റാക്കുന്നത് മന്ത്രിമാരല്ല. പ്രൊഫഷണലുകളാണ് മെമ്മോ റാണ്ടം തയാ റാക്കുന്നത്. വിദഗ്‌ദ്ധർ തയാറാക്കിയ കണക്കിനെ കള്ളക്കണക്ക് എന്ന രീതിയിൽ മാധ്യമങ്ങൾ പ്രചരിപ്പിച്ചു. മാധ്യമങ്ങളുടെ ഇത്തരം പ്രവർത്തനങ്ങൾക്ക് പിന്നിൽ ദുരിതാശ്വാസ നിധിയിലേക്കുള്ള സഹായം തടയണമെന്ന ദുഷ്ട ലക്ഷ്യമാണ്. ഇത്തരം വ്യാജവാർത്തയിൽ കേളം ലോകത്തിന് മുന്നിൽ അപമാനിക്കപ്പെട്ടു. മാധ്യമനുണകൾക്ക് പിന്നാലെ അജണ്ട ചർച്ചയാകണമെന്നും മുഖ്യമന്ത്രി പറഞ്ഞു.
അനർഹമായ തുക തട്ടിയെക്കാൻ ശ്രമമെന്ന് കള്ളക്കഥയുണ്ടാക്കി. ഒറ്റ ദിവസം കൊണ്ട് ഇത് പോലുള്ള വാർത്തകൾ ലോകം മുഴുവൻ സഞ്ചരിക്കുന്നു. വയനാട് പുനരധിവാസത്തിൽ സർക്കാർ കള്ളക്കണക്ക് കൊടുത്തു എന്ന് പ്രതിപക്ഷം ആരോപിച്ചു. എല്ലാ സീമകളും ലംഘിച്ച് വാർത്തകൾ സോഷ്യൽ മീഡിയയിൽ പ്രചരിച്ചു. അസത്യം പറന്നപ്പോൾ പിന്നാലെ വന്ന സത്യം മുടന്തുകയാണ്. അങ്ങനെ മുടന്താനെ സർക്കാർ വാർത്താ കുറിപ്പിന് പോലും കഴിഞ്ഞുള്ളുവെന്ന് മുഖ്യമന്ത്രി വാർത്താസമ്മേളനത്തില്‍ പറഞ്ഞു.
വയനാട്ടിലെ രക്ഷാപ്രവർത്തനം ലോകം പ്രകീർത്തിച്ചതാണ്. വയനാട്ടിലെ ദുരിതാശ്വാസം നല്ല നിലയിൽ പുരോഗമിക്കുകയാണ്. ഇതിനിടെ ദുരിതാശ്വാസ നിധിയിലേക്ക് സംഭാവന ചെയ്യുന്ന സാധാരണക്കാതെ പിന്തിരിപ്പിക്കുക എന്നതാണ് ഇത്തരം വാര്‍ത്തകളുടെ ദുഷ്ട ലക്ഷ്യം. ഇത് നശീകരണ മാധ്യമ പ്രവർത്തനമാണ്. ഇത് സമൂഹത്തിന് ആപത്താണ്. മാധ്യമങ്ങൾ വിവാദ നിർമ്മാണ ശാലകളാകുന്നതാണ് കണ്ടതെന്നും മുഖ്യമന്ത്രി വിമര്‍ശിച്ചു.
എഡിജിപി എം ആർ അജിത് കുമാറിനും പൊളിറ്റിക്കൽ സെക്രട്ടറി പി ശശിക്കുമെതിരെ ഗുരുതര ആരോപണങ്ങൾ നിലനിൽക്കെയാണ് മുഖ്യമന്ത്രി പിണറായി വിജയൻ വാർത്താസമ്മേളനം വിളിച്ചത്.
