ലക്നൗ ; സോഷ്യൽ മീഡിയയിൽ വൈറലാകാൻ ജീവൻ പണയപ്പെടുത്തി പലരും റീലുകൾ ചെയ്യുന്നത് . ഉത്തർപ്രദേശിൽ യുട്യൂബറായ യുവാവ് വൈറലാകാനായി ബൈക്ക് ഉപയോഗിച്ച് ട്രെയിൻ എൻജിൻ വലിക്കാനാണ് ശ്രമിച്ചത് .സംഭവത്തിൽ യുവാവിനെതിരെ കേസെടുത്തു.
ദേവ്ബന്ദിലെ മജോല ഗ്രാമത്തിൽ നിന്നുള്ള വിപിൻ കുമാർ എന്ന യുവാവിനെതിരെയാണ് കേസ്. റെയിൽവേ ട്രാക്കിൽ അപകടകരമായ ബൈക്ക് സ്റ്റണ്ട് നടത്തുന്ന വിപിന്റെ വീഡിയോ സോഷ്യൽ മീഡിയയിൽ വൈറലാവുകയാണ്. വീഡിയോയിൽ യുവാവ് തന്റെ ബൈക്ക് ട്രെയിൻ എഞ്ചിനിൽ കയർ കൊണ്ട് കെട്ടുന്നത് കാണാം. തുടർന്ന് റെയിൽവേ ട്രാക്കിലൂടെ ബൈക്ക് ഉപയോഗിച്ച് ട്രെയിൻ വലിക്കാൻ ശ്രമിച്ചു. തീവണ്ടി എഞ്ചിനിൽ ബൈക്ക് ബന്ധിപ്പിച്ച് അപകടകരമായ നീക്കമാണ് ഇയാൾ നടത്തിയത്.
ജീവൻ പണയപ്പെടുത്തിയാണ് രജിസ്ട്രേഷൻ നമ്പറില്ലാത്ത ബൈക്കിൽ യുവാവ് അപകടകരമായ പ്രവൃത്തി നടത്തിയത്. വീഡിയോ വൈറലായതോടെ റെയിൽവേ ട്രാക്കിൽ അപകടകരമായ ഈ സ്റ്റണ്ടുകൾ നടത്തിയതിന് യുവാവിനെതിരെ പോലീസ് കേസ് രജിസ്റ്റർ ചെയ്തു.
