മലപ്പുറം: എഡിജിപി എം.ആര്‍.അജിത് കുമാറിനെ ക്രമസമാധാന ചുമതലയില്‍ നിന്ന് മാറ്റണമെന്ന് പി.വി.അന്‍വര്‍ എംഎല്‍എ. സ്ഥാനത്തുനിന്ന് മാറ്റി നിര്‍ത്തിയാല്‍ മാത്രം പോര. അജിത്കുമാറിന്റെ ഇനിയുള്ള നീക്കങ്ങള്‍ ഇന്റലിജന്‍സിലെ ഉത്തരവാദപ്പെട്ട ഉദ്യോഗസ്ഥര്‍ നിരീക്ഷിക്കണമെന്നും അന്‍വര്‍ പറഞ്ഞു.
കേരളം സത്യം അറിയാന്‍ കാതോര്‍ത്തിരുന്ന ചില കേസുകള്‍ അജിത് കുമാര്‍ അട്ടിമറിച്ചിട്ടുണ്ട്. ഒരു സര്‍ക്കാരിനെ ഒരു മുന്നണിയെ ഒരു പാര്‍ട്ടിയെ പോലും ബാധിക്കാന്‍ സാധ്യതയുള്ള കേസുകളുണ്ട് സത്യവിരുദ്ധമായി ചില കേസുകള്‍ ക്ലോസ് ചെയ്തു.
മലപ്പുറത്ത് പൊലീസിലെ മോഹന്‍ദാസ് എന്നൊരു ഉദ്യോഗസ്ഥനെ എഡിജിപി അജിത്കുമാര്‍ ഫോണ്‍ ചോര്‍ത്താന്‍ ഉപയോഗിച്ചു. മോഹന്‍ദാസ് അഞ്ച് വര്‍ഷം മലപ്പുറം വിജിലന്‍സ് യൂണിറ്റിലുണ്ടായിരുന്നു. ഇതിന് ശേഷം മലപ്പുറം ജില്ലാ പൊലീസിലേക്ക് ട്രാന്‍സ്ഫര്‍ ആയെന്ന് പി വി അന്‍ വര്‍ പറഞ്ഞു.
മോഹന്‍ദാസിനെ ഒരു ഉത്തരവുമില്ലാതെ എസ്. സുജിത് ദാസ് വിജിലന്‍സില്‍ നിലനിര്‍ത്തി മൂന്നിലേറെ വര്‍ഷം സൈബര്‍ ഇന്റര്‍സെപ്ഷന്‍ നടത്തി. മോഹന്‍ദാസിന്റെ ജോലി ജില്ലാ പൊലീസിലാണെങ്കിലും വിജിലന്‍സിന്റെ ഒരു ഉത്തരവ് പോലും ഇല്ലാതെയാണ് ഇത്തരത്തില്‍ ജോലി ചെയ്യിച്ചിട്ടുള്ളതെന്നും അന്‍വര്‍ പറഞ്ഞു.
പ്രതികരിക്കാൻ ഇവിടെ എഴുതുക: