നടന്‍ ജയം രവിയും ഭാര്യ ആര്‍തിയും വേര്‍പിരിഞ്ഞു.നടന്‍ തന്നെയാണ് ട്വിറ്റര്‍ അക്കൗണ്ടിലൂടെ വിവാഹമോചന വാര്‍ത്ത അറിയിച്ചത്.
തന്റെ മുന്‍ഗണന എല്ലായ്‌പ്പോഴും സിനിമകളിലൂടെ പ്രേക്ഷകര്‍ക്ക് സന്തോഷവും എന്റര്‍ടെയ്ന്‍മെന്റും നല്‍കുക എന്നതാണ്. അതു തുടരുമെന്നും താരം പറഞ്ഞു.15 വര്‍ഷത്തെ ദാമ്പത്യജീവിതത്തിനാണ് വിരാമമായത്. ആര്‍തിയും ജയം രവിയും തമ്മിലുളള വിവാഹം 2009ലായിരുന്നു. ആരവ്, അയാന്‍ എന്നിങ്ങനെ രണ്ട് ആണ്‍മക്കളാണ് ഇവര്‍ക്കുള്ളത്.
”ഒരുപാടു ചിന്തകള്‍ക്കും ആലോചനകള്‍ക്കും ചര്‍ച്ചകള്‍ക്കും ശേഷമാണ് ആരതിയുമായുള്ള വിവാഹബന്ധത്തില്‍ നിന്ന് വേര്‍പിരിയുക എന്ന ബുദ്ധിമുട്ടേറിയ തീരുമാനമെടുത്തതെന്ന് ജയം രവി പറഞ്ഞു. ഇത് പെട്ടെന്നുണ്ടായ ഒരു തീരുമാനമല്ല. വ്യക്തിപരമായ കാരങ്ങളാണ് ഇതിനു പിന്നില്‍. തീര്‍ച്ചയായും ഇത് എല്ലാവരുടെയും നല്ലതിനു വേണ്ടിയാണെന്നും താരം പറഞ്ഞു.
ഈ പ്രയാസരപമായ സമയത്ത് തങ്ങളുടെയും കുടുംബാംഗങ്ങളുടെയും സ്വകാര്യതയെ മാനിക്കണമെന്ന് വിനീതമായി അഭ്യര്‍ത്ഥിക്കുന്നു. ഇതുമായി ബന്ധപ്പെട്ട് അഭ്യൂഹങ്ങളും അനുമാനങ്ങളും ആരോപണങ്ങളും പ്രചരിപ്പിക്കരുതെന്നും ഈ വിഷയം തങ്ങളുടെ സ്വകാര്യ കാര്യമായി കാണണമെന്നും അഭ്യര്‍ഥിക്കുകയാണ്.
പ്രതികരിക്കാൻ ഇവിടെ എഴുതുക: