കാമുകിയെ കാണാൻ ബെംഗളൂരുവിൽ എത്തി ; കമ്യൂണിസ്റ്റ് ഭീകരൻ അനിരുദ്ധിനെ കുടുക്കി ക്രൈംബ്രാഞ്ച്

ബെംഗളൂരു : കാമുകിയെ കാണാൻ ബെംഗളൂരുവിൽ എത്തിയ കമ്യൂണിസ്റ്റ് ഭീകരൻ അനിരുദ്ധിനെ സെൻട്രൽ ക്രൈംബ്രാഞ്ചിന്റെ എടിസി സംഘം അറസ്റ്റ് ചെയ്തു. പ്രതിക്കെതിരെ യുഎപിഎ നിയമപ്രകാരമാണ് കേസെടുത്തിരിക്കുന്നത്. അറസ്റ്റിലായ നക്സൽ അനിരുദ്ധിനെ എടിസി സംഘം കസ്റ്റഡിയിലെടുത്ത് കൂടുതൽ അന്വേഷണം നടത്തിവരികയാണ്.

നിരോധിത സിപിഐഎം നക്സൽ സംഘടനയിലായിരുന്നു അനിരുദ്ധ്. നിരോധിച്ച ലേഖനങ്ങൾ എഴുതുകയും പോസ്റ്റ് ചെയ്യുകയും ചെയ്തിരുന്നു. പോലീസും നക്‌സൽ വിരുദ്ധ സംഘവും ഇയാൾക്കായി പലപ്പോഴും കെണിയൊരുക്കിരുന്നു.

കാമുകിയെ കാണാൻ അനിരുദ്ധ് 3 ദിവസം മുമ്പ് ബാംഗ്ലൂരിൽ എത്തിയിരുന്നു. തിരികെ ചെന്നൈയിലേക്ക് പോകാനായി കഴിഞ്ഞ ദിവസം രാവിലെ എട്ട് മണിയോടെ കെഎസ്ആർടിസി ബസ് സ്റ്റേഷനിലെത്തി. ഈ സമയം ഇയാളെ നിരീക്ഷിച്ചിരുന്ന എടിസി സംഘം പിടികൂടുകയായിരുന്നു. അന്വേഷണത്തിൽ അനിരുദ്ധ് പണം പിരിച്ചതായും രഹസ്യയോഗങ്ങൾ നടത്തിയതായും കണ്ടെത്തി. വികാസ് ഗാഡ്‌ഗെ എന്ന പേരിൽ അനിരുദ്ധിന് വ്യാജ ആധാർ കാർഡ് ഉള്ളതായും കണ്ടെത്തി. 2 ബാഗുകളും പെൻഡ്രൈവുകളും ടാബുകളും ഇയാളിൽ നിന്ന് പിടിച്ചെടുത്തു.