കോഴിക്കോട്: പന്തീരാങ്കാവ് കടകളിലും വീടുകളിലും മോഷണം നടത്തിയ അഞ്ചു സ്ത്രീകള് പിടിയിലായി. തമിഴ്നാട് സ്വദേശിനികളായ കൗസല്യ, സെല്വി, പന്തീരാങ്കാവില് താമസിച്ചു വരുന്ന ജ്യോതി, മണിമേഖല, കാവേരി എന്നിവരെയാണ് പന്തീരാങ്കാവ് പൊലീസ് പിടികൂടിയത്.
പന്തീരാങ്കാവിന് സമീപമുളള വര്ക്ക് ഷോപ്പില് നിന്നും കട്ടിംഗ് മെഷീന് ഉള്പ്പെടെയുള്ള ഉപകരണങ്ങള് കഴിഞ്ഞദിവസം മോഷണം പോയിരുന്നു.മോഷണവസ്തുക്കളുമായി പോയ രണ്ട് സ്ത്രീകളെ ആദ്യം നാട്ടുകാര് തടഞ്ഞുവച്ചു.
പൊലീസിനെ വിവരമറിയിച്ചത് പ്രകാരം നടത്തിയ അന്വേഷണത്തിലാണ് ഇവരുടെ കയ്യിലുണ്ടായിരുന്നത് മോഷണ വസ്തുക്കണെന്ന് വ്യക്തമായത്. പന്തീരാങ്കാവിലെ വര്ക്ക് ഷോപ്പില് നിന്ന് മോഷ്ടിച്ച കട്ടിംഗ് മെഷീനുള്പ്പടെ ഇവരുടെ പക്കലുണ്ടായിരുന്നു. പൊലീസ് നടത്തിയ വിശദമായ അന്വേഷണത്തെ തുടര്ന്ന് മറ്റ് മൂന്ന് പേരെ കൂടി പിടികൂടുകയായിരുന്നു. ഇവരില് ചിലര് പന്തീരാങ്കാവില് കുറച്ച് കാലമായി താമസിച്ചുവരുന്നവരാണ്.
