ആരാധകരെ ആവേശം കൊളളിച്ച് വിജയ് ചിത്രം ഗോട്ട് തിയേറ്ററുകളില്‍ എത്തി.കേരളത്തില്‍ വെളുപ്പിന് നാല് മണി മുതലാണ് സിനിമയുടെ പ്രദര്‍ശനം തുടങ്ങിയത്. ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലനാണ് ഗോട്ട് സംസ്ഥാനത്ത് വിതരണത്തിനെത്തിക്കുന്നത്.
തമിഴ്നാട്ടില്‍ സര്‍ക്കാര്‍ നിബന്ധനകള്‍ അനുസരിച്ച് രാവിലെ ഒമ്പത് മണിയോടെയാണ് ആദ്യ ഷോ തുടങ്ങിയത്. ഗോട്ടിന്റെ റിലീസ് പ്രമാണിച്ച് വ്യാഴാഴ്ച ചെന്നൈയിലെ പാര്‍ക്ക് ക്വിക്ക് എന്ന സ്ഥാപനം അവധി പ്രഖ്യാപിച്ചത് വേറിട്ട അനുഭവമായി. താരത്തിനുള്ള ആദരസൂചകമായി ഗോട്ട് റിലീസ് ദിനത്തില്‍ അവധി പ്രഖ്യാപിച്ചത്. അവധി അറിയിച്ചുളള കുറിപ്പ് സമൂഹ മാധ്യമങ്ങളില്‍ വൈറലായിട്ടുമുണ്ട്.
ചിത്രത്തിന് സോഷ്യല്‍ മീഡിയയില്‍ പ്രതീക്ഷ നല്‍കുന്ന പ്രതികരണങ്ങളാണ് ലഭിക്കുന്നത്. എന്നാല്‍ സമ്മിശ്ര പ്രതികരണവും ഉണ്ട്.
ചിത്രത്തിന്റെ ആദ്യ ദിന ഷോകള്‍ അവസാനിക്കുമ്പോള്‍ വരുമാനം 100 കോടി കടക്കുമെന്നാണ് ആരാധകരുടെ കണക്കുകൂട്ടല്‍. റിലീസിന് മുന്‍പേ തന്നെ വന്‍ ഹൈപ്പാണ് ഗോട്ടിന്റെ നിര്‍മ്മാതാക്കള്‍ സിനിമയ് നല്‍കിയത്.
