അയോധ്യ : ഉത്തർപ്രദേശ് മുഖ്യമന്ത്രി യോഗി ആദിത്യനാഥ് ഇന്ന് അയോധ്യ സന്ദർശിക്കും. ഏകദേശം രണ്ട് മണിക്കൂർ അദ്ദേഹം അവിടെ ചിലവഴിക്കും. ഹനുമാൻഗർഹിയിലും രാം ലല്ലയിലും അദ്ദേഹം സന്ദർശനം നടത്തി പ്രാർഥന നടത്തും.
കൂടാതെ, രാംസേവക് പുരത്തും കർസേവക് പുരത്തും സംഘടിപ്പിക്കുന്ന പരിപാടികളിൽ അദ്ദേഹം പങ്കെടുക്കും. രാമക്ഷേത്ര പ്രസ്ഥാനത്തിന്റെ കാലത്ത് രാമഭക്തർ ഒരു മാസത്തോളം ഹവനം നടത്തിയ സ്ഥലത്ത് നിർമ്മിച്ച രാംസേവക് പുരത്ത് ശിവക്ഷേത്രം അദ്ദേഹം ഉദ്ഘാടനം ചെയ്യും. ക്ഷേത്രത്തിന്റെ പ്രതിഷ്ഠയ്ക്കായി നടന്നുകൊണ്ടിരിക്കുന്ന യജ്ഞത്തിൽ അദ്ദേഹം അന്തിമ വഴിപാടും അർപ്പിക്കുകയും ക്ഷേത്രത്തിന് മുകളിൽ പതാക ഉയർത്തുകയും ചെയ്യും.
വിശ്വഹിന്ദു പരിഷത്തിന്റെ സ്ഥാപകനും രാമക്ഷേത്ര പ്രസ്ഥാനത്തിന്റെ പ്രധാന നേതാക്കളിലൊരാളുമായ അന്തരിച്ച അശോക് സിംഗാളിന്റെ ജന്മവാർഷികത്തോടനുബന്ധിച്ചുള്ള പരിപാടിയിലും മുഖ്യമന്ത്രി പങ്കെടുക്കും. കൂടാതെ മികച്ച വേദപാഠശാല, മികച്ച സംസ്കൃത അധ്യാപകർ, രാജ്യത്തെ മികച്ച വിജയം നേടിയ വിദ്യാർത്ഥികൾ എന്നിവരെ അദ്ദേഹം ഈ ചടങ്ങിൽ ആദരിക്കും.
നേരത്തെ ഉത്തർപ്രദേശ് മുഖ്യമന്ത്രി യോഗി ആദിത്യനാഥ് ബുധനാഴ്ച ഉത്തർപ്രദേശ് സബോർഡിനേറ്റ് സർവീസസ് സെലക്ഷൻ കമ്മീഷൻ (യുപിഎസ്എസ്എസ്സി) തിരഞ്ഞെടുത്ത 1,334 ജൂനിയർ എഞ്ചിനീയർമാർ, കമ്പ്യൂട്ടർ ടെക്നീഷ്യൻമാർ, ഫോർമാൻമാർ എന്നിവർക്ക് നിയമന കത്തുകൾ വിതരണം ചെയ്തു.
ലഖ്നൗവിൽ നടന്ന ചടങ്ങിൽ മുഖ്യമന്ത്രി , അഖിലേഷ് യാദവിനേയും ശിവ്പാൽ സിംഗ് യാദവിനേയും പരിഹസിച്ചു. അവരുടെ സർക്കാരിന്റെ കാലത്ത് അവർ കൈക്കൂലി കൈക്കലാക്കിയെന്ന് അദ്ദേഹം ആരോപിച്ചു. എന്തുകൊണ്ടാണ് ആളുകൾക്ക് നേരത്തെ നിയമന കത്തുകൾ ലഭിക്കാത്തത്.
കാരണം അവരുടെ ഉദ്ദേശം വ്യക്തമല്ല എന്നതായിരുന്നു കാരണം. ചാച്ചയും ഭതിജയും ‘വസൂലി’ ചെയ്യാനുള്ള ഓട്ടത്തിലായിരുന്നുവെന്നാണ് യോഗി പരിഹസിച്ചത്.
