കൊച്ചി: മാരക മയക്കുമരുന്നുമായി യുവാക്കൾ പിടിയിൽ. കോട്ടയം കാഞ്ഞിരപ്പിള്ളി അമ്പഴത്തിനാൽ വീട്ടിൽ മുഹമ്മദ് നാഷ് (29), മഞ്ഞുമ്മൽ പനന്തലക്കൽ വീട്ടിൽ വൈശാഖ് (21) വടക്കേക്കര മങ്ങാട്ട് വീട്ടിൽ ഗോകുൽ (29) എന്നിവരെയാണ് പിടികൂടിയത്.
കാക്കനാട് വാഴക്കാലയിലുള്ള ഹെവൻ ഗാർഡൻ ലോഡ്ജ് കേന്ദ്രീകരിച്ച് നടത്തിയ അന്വേഷണത്തിലാണ് 8.19ഗ്രാം എം.ഡി.എം.എയുമായി ഇവർ പിടിയിലായത്. കൊച്ചി സിറ്റി പോലീസ് കമ്മീഷണർ എസ്. ശ്യാം സുന്ദർ ഐ.പിഎസിന് ലഭിച്ച രഹസ്യ വിവരത്തെ തുടർന്നാണ് അറസ്റ്റ്.
ഡെപ്യൂട്ടി പോലീസ് കമ്മീഷണർ കെ.എസ് സുദർശൻ ഐ.പി.എസിന്റെ നിർദേശാനുസരണം നർക്കോട്ടിക് സെൽ എസിപി അബ്ദുൾ സലാമിന്റെ നേതൃത്വത്തിലുള്ള ഡാൻസാഫ് ടീമും തൃക്കാക്കര പോലീസും ചേർന്നാണ് ഇവരെ കസ്റ്റഡിയിലെടുത്തത്.
