തിരുവനന്തപുരം: മകളെ പീഡിപ്പിച്ച അച്ഛനെ മരണം വരെ കഠിന തടവിന് ശിക്ഷിച്ച് പോക്‌സോ കോടതി. കുട്ടിയെ ഒന്നാം ക്ലാസില്‍ പഠിക്കുന്നതു മുതല്‍ 37 കാരനായ അച്ഛന്‍ പീഡിപ്പിക്കുന്നുണ്ടായിരുന്നു.
കുട്ടിയ്‌ക്ക് ഒന്നര വയസുള്ളപ്പോള്‍ അമ്മ മരിച്ചു.തുടര്‍ന്നാണ് കുട്ടിയെ പീഡിപ്പിച്ചത്.കുട്ടിക്ക് ഇപ്പോള്‍ 16 വയസുണ്ട്
അധ്യാപകരോടാണ് കുട്ടി അച്ഛന്റെ പീഡനം തുറന്നു പറഞ്ഞത്. അധ്യാപകര്‍ ഈ വിവരം ചൈല്‍ഡ് ലൈനില്‍ അറിയിച്ചു.
ഇതിലൂടെ പൊലീസില്‍ പരാതിയെത്തുകയും പൊലീസ് കേസെടുത്ത് പ്രതിയെ അറസ്റ്റു ചെയ്യുകയുമായിരുന്നു. കേസെടുത്ത് ഒരു വര്‍ഷത്തിനുള്ളില്‍ തന്നെ പ്രതി ശിക്ഷിക്കപ്പെട്ടു.
അരുവിക്കര പൊലീസ് ഒരു വര്‍ഷം മുമ്പ് രജിസ്റ്റര്‍ ചെയ്ത കേസിലാണ് ഇപ്പോള്‍ ശിക്ഷ വിധിച്ചത്. അറസ്റ്റ് ചെയ്തത് മുതല്‍ പ്രതി റിമാന്‍ഡിലാണ്.
പ്രതികരിക്കാൻ ഇവിടെ എഴുതുക: