കൊച്ചി : സംവിധായകനും ചലച്ചിത്ര അക്കാദമി മുന് ചെയര്മാനുമായ രഞ്ജിത്തിനെതിരെ ആരോപണങ്ങള് ആവര്ത്തിച്ച് ബംഗാളി നടി.
തന്നെ സിനിമയിലേക്ക് തെരഞ്ഞെടുത്തതായി അറിയിച്ചത് പ്രകാരമാണ് കൊച്ചിയില് എത്തിയത്. അവിടെ വച്ച് കഥാപാത്രത്തെ കുറിച്ചുള്ള ചര്ച്ചകളാണ് നടന്നതെന്നും നടി സാമൂഹ്യമാധ്യമത്തിലൂടെ പറഞ്ഞു .രഞ്ജിത്തിന്റെ പക്കല് നിന്നും സിഗരറ്റ് വാങ്ങിയത് മറ്റൊരു അര്ത്ഥത്തില് കണ്ടതാകാമെന്നും നടി പറയുന്നു. കൂടിക്കാഴ്ചയില് തനിക്ക് മദ്യം വാഗ്ദാനം ചെയ്തെങ്കിലും നിഷേധിച്ചു എന്നും നടി വെളിപ്പെടുത്തി.
മലയാളം സിനിമയില് പ്രമുഖര്ക്ക് നേരെ വിരല് ചൂണ്ടല് തുടങ്ങിയത് താനാണ്.മലയാള സിനിമയിലെ കാര്യങ്ങള് പുറത്ത് വന്നു, അത് ബംഗാളി സിനിമയിലും സംഭവിക്കണമെന്നും തന്റെ ജന്മ ദിനത്തോട് അനുബന്ധിച്ചുള്ള യൂട്യൂബ് ലൈവില് നടി പറഞ്ഞു.
താന് ഛായാഗ്രാഹകനുമായി ഫോണില് സംസാരിക്കവേ രഞ്ജിത്ത് തന്റെ വളകളില് സ്പര്ശിച്ചു. തടയാതിരുന്നപ്പോള് മുടിയിലും കഴുത്തിലും സ്പര്ശിച്ചു. അവിടെ നിന്ന് സിനിമ വേണ്ടെന്ന് പറഞ്ഞ് ഇറങ്ങിപ്പോവുകയായിരുന്നു. തനിക്ക് തിരികെ വിമാന ടിക്കറ്റ് എടുക്കാന് 23000 രൂപ ആയി. നമ്മള് ജീവിക്കുന്നത് ഒരു സ്ത്രീ വിരുദ്ധ സമൂഹത്തിലാണെന്നും നടി കൂട്ടിച്ചേര്ത്തു. നടിയുടെ ആരോപണത്തിന്റെ പശ്ചാത്തലത്തില് രഞ്ജിത്ത് ചലച്ചിത്ര അക്കാദമി ചെയര്മാന് സ്ഥാനം രാജിവച്ചിരുന്നു.
