പട്ന ; കേന്ദ്രമന്ത്രി ഗിരിരാജ് സിംഗിനെ ആക്രമിക്കാൻ ശ്രമിച്ച ആം ആദ്മി പ്രവർത്തകൻ അറസ്റ്റിൽ. സൈഫി എന്ന ഷാജദുമ്മ ആണ് പിടിയിലായത് . ബിഹാറിൽ ഗിരിരാജ് സിംഗ് പങ്കെടുത്ത ജനതാ ദർബാറിനിടെയാണ് അദ്ദേഹത്തെ അക്രമിക്കാൻ ശ്രമം നടന്നത് .
ബെഗുസാരായിയിലെ ബല്ലിയ ബ്ലോക്കിലാണ് സംഭവം . ശനിയാഴ്ച നടന്ന ജനതാ ദർബാർ പരിപാടിയിൽ ഗിരിരാജ് സിംഗ് പങ്കെടുത്തിരുന്നു. ഈ സമയം ഗിരിരാജ് സിങ്ങിനോട് സൈഫി ചില ചോദ്യങ്ങളും ഉന്നയിച്ചിരുന്നു . പരിപാടി അവസാനിച്ച ശേഷം, ചോദ്യങ്ങൾക്കെല്ലാം ഉത്തരം ലഭിച്ചല്ലോയെന്ന് ഗിരിരാജ് സിംഗ് സൈഫിയോട് ചോദിച്ചിരുന്നു . എന്നാൽ ഇത് കേട്ട സൈഫി ഉച്ചത്തിൽ മുദ്രാവാക്യം വിളിക്കാൻ തുടങ്ങുകയും , മുഷ്ടി ചുരുങ്ങി മർദ്ദിക്കാനായി മന്ത്രിയ്‌ക്കടുത്തേയ്‌ക്ക് നീങ്ങുകയും ചെയ്തു . തുടർന്ന് സുരക്ഷാ ഉദ്യോഗസ്ഥർ സൈഫിയെ തടയുകയായിരുന്നു.
സ്ഥലത്തുണ്ടായിരുന്ന പോലീസുകാർ സൈഫിയെ കസ്റ്റഡിയിലെടുത്ത് പോലീസ് സ്റ്റേഷനിലേക്ക് മാറ്റി . നിലവിൽ ഇയാളെ ചോദ്യം ചെയ്യുകയാണ്. ആം ആദ്മി പാർട്ടി പ്രവർത്തകനായ സൈഫി നിലവിൽ ലഖ്മിനിയയിൽ നിന്നുള്ള വാർഡ് കൗൺസിലറും കൂടിയാണ്.
പ്രതികരിക്കാൻ ഇവിടെ എഴുതുക: