കൊച്ചി: നടിയുടെ ലൈംഗിക അതിക്രമ പരാതിയില് പൊലീസ് കേസെടുത്ത പശ്ചാത്തലത്തില് നടന് മണിയന്പിള്ള രാജു കോടതിയെ സമീപിച്ചു. എറണാകുളം പ്രിന്സിപ്പല് സെഷന്സ് കോടതിയിലാണ് മുന്കൂര് ജാമ്യാപേക്ഷ സമര്പ്പിച്ചത്
ഫോര്ട്ടുകൊച്ചി പൊലീസ് രജിസ്റ്റര് ചെയ്ത കേസിലാണ് നടന് ജാമ്യം തേടി കോടതിയെ സമീപിച്ചത്. കേസ് സെപ്തംബര് ആറിന് പരിഗണിക്കാന് മാറ്റി.
ഐപിസി 506, 354 വകുപ്പുകള് പ്രകാരം ഫോര്ട്ട് കൊച്ചി പൊലീസാണ് കേസ് എടുത്തത്. ഇതേ നടിയുടെ പരാതിയില് പ്രൊഡക്ഷന് കണ്ട്രോളര് നോബിളിനെതിരെയും പാലാരിവട്ടം പൊലീസ് കേസെടുത്തിട്ടുണ്ട്.
മണിയന്പിള്ള രാജു രാത്രി വാതിലില് മുട്ടി എന്നതുള്പ്പെടെയാണ് നടിയുടെ പരാതി എന്നാണ് വിവരം. ഇതേ നടിയുടെ മറ്റൊരു പരാതിയില് പ്രൊഡക്ഷന് എക്സിക്യൂട്ടീവ് വിച്ചുവിനെതിരെയും കേസ് എടുത്തിട്ടുണ്ട്.
