ആലുവ : ഒന്നര കിലോ കഞ്ചാവുമായി ഇതര സംസ്ഥാനത്തൊഴിലാളി പിടിയിൽ. വെസ്റ്റ് ബംഗാൾ സ്വദേശിയായ അബ്ദുൽ മജീദ് അബ്ബാസുദ്ദീൻ (46) ആണ് എടത്തല പോലീസിന്റെ പിടിയിലായത്.
ഐഎസ്ആർഒയ്ക്ക് സമീപത്തു നിന്നാണ് ഇയാളെ പിടികൂടിയത്. കഴിഞ്ഞ രാത്രി നടത്തിയ വാഹന പരിശോധനക്കിടയിലാണ് പ്രതി കസ്റ്റഡിയിലായത്. കഞ്ചാവ് കടത്താനുപയോഗിച്ച വാഹനവും പോലീസ് കസ്റ്റഡിയിൽ എടുത്തു.
ആലുവ ഡിവൈഎസ്പി ടി. ആർ. രാജേഷിന്റെ നിർദ്ദേശാനുസരണം എടത്തല പോലീസ് സ്റ്റേഷൻ ഇൻസ്പെക്ടർ കെ. സെനോദ് , എസ്ഐ സക്കറിയ, എഎസ്ഐ കെ. മനോജ്, എസ് സിപിഓ പി.എ. സക്കീർ എന്നിവരാണ് അന്വേഷണ സംഘത്തിൽ ഉണ്ടായിരുന്നത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
