ന്യൂഡല്‍ഹി: ശാസ്ത്ര സാങ്കേതിക വകുപ്പിന്റെ ‘വിജ്ഞാന് ധാര’ പദ്ധതിക്ക് കീഴില്‍ 11, 12 ക്ലാസുകളിലെ സയന്‍സ് ആന്‍ഡ് ടെക്നോളജി വിദ്യാര്‍ത്ഥികള്‍ക്ക് ഇന്റേണ്‍ഷിപ്പിന് കേന്ദ്ര മന്ത്രിസഭ അംഗീകാരം നല്‍കി . പദ്ധതിക്ക് മൂന്ന് വിശാലമായ ഘടകങ്ങളുണ്ട് . ശാസ്ത്ര സാങ്കേതിക സ്ഥാപനങ്ങള്‍, മനുഷ്യ ശേഷി വര്‍ദ്ധിപ്പിക്കല്‍; ഗവേഷണവും വികസനവും; നവീകരണവും സാങ്കേതിക വികസനവും വിന്യാസവും എന്നിവയാണവ. 2021 -22 മുതല്‍ 2025-26 വരെയുള്ള പതിനഞ്ചാം ധനകാര്യ കമ്മീഷന്‍ കാലയളവില്‍ വിജ്ഞാന് ധാരയുടെ നിര്‍ദിഷ്ട അടങ്കല്‍ 10,579 കോടിയാണെന്ന് ഇന്‍ഫര്‍മേഷന്‍ ആന്‍ഡ് ബ്രോഡ്കാസ്റ്റിംഗ് മന്ത്രി അശ്വിനി വൈഷ്ണവ് പറഞ്ഞു.
രാജ്യത്തുടനീളമുള്ള ശാസ്ത്ര-സാങ്കേതിക അടിസ്ഥാന സൗകര്യങ്ങള്‍ വര്‍ധിപ്പിക്കാന്‍ ലക്ഷ്യമിട്ട് ഉപപദ്ധതികള്‍ക്കിടയില്‍ ധനസഹായവും ഏകോപനവും കാര്യക്ഷമമാക്കുന്നതിനാണ് വിജ്ഞാന് ധാര പദ്ധതി രൂപകല്‍പ്പന ചെയ്തിരിക്കുന്നത്. സ്‌കൂള്‍ തലത്തിലുള്ള പ്രോജക്ടുകള്‍ മുതല്‍ ഉന്നത വിദ്യാഭ്യാസം വരെയുള്ള സംരംഭങ്ങള്‍ക്ക് ഇത് സഹായകമാകും.ശാസ്ത്ര സാങ്കേതിക രംഗങ്ങളില്‍ സ്ത്രീകളുടെ പങ്കാളിത്തം വര്‍ദ്ധിപ്പിക്കുന്നതിലും ഈ പദ്ധതി ശ്രദ്ധ കേന്ദ്രീകരിക്കുന്നു.
വിജ്ഞാന് ധാര സ്‌കീമിന് കീഴില്‍ നിര്‍ദ്ദേശിച്ചിട്ടുള്ള എല്ലാ പരിപാടികളും വിക്ഷിത് ഭാരത് 2047 ന്റെ കാഴ്ചപ്പാട് സാക്ഷാത്കരിക്കാന്‍ ലക്ഷ്യമിട്ടതാണ്.
‘വിജ്ഞാന് ധാര’ക്ക് കീഴില്‍ സയന്‍സ് ആന്‍ഡ് ടെക്നോളജി വിദ്യാര്‍ത്ഥികള്‍ക്ക് ഇന്റേണ്‍ഷിപ്പ്, 10,579 കോടിയുടെ പദ്ധതി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.