തൃശൂര്‍: തൃശൂര്‍ പാലപ്പിള്ളിയില്‍ മാനിനെ കെട്ടിയിട്ട് റീല്‍ വീഡിയോ ചെയ്ത സംഭവത്തില്‍ തിരുവനന്തപുരം സ്വദേശി വിനോദ് കീഴടങ്ങി. സംഭവത്തില്‍ ശനിയാഴ്ച വനം വകുപ്പ് നാലുപേര്‍ക്കെതിരെ കേസെടുത്തിരുന്നു.
കേസിലെ മൂന്നു പ്രതികള്‍ ഒളിവിലാണ്. തോട്ടം തൊഴിലാളികളായ ഷിബു, സന്തോഷ് കുമാര്‍, ഹരി എന്നിവരാണ് ഒളിവിലുളളത്.
ടാപ്പിംഗ് തൊഴിലാളികളാണ് പ്രതികള്‍. ഇവര്‍ മാനിനെ പിടികൂടി കെട്ടിയിട്ട് വീഡിയോ എടുക്കുകയായിരുന്നു. മാനിനെ റീല്‍ എടുത്ത ശേഷം കെട്ടഴിച്ചു വിട്ടു എന്നാണ് വിനോദിന്റെ മൊഴി. സംഭവത്തില്‍ വനം വകുപ്പ് അന്വേഷണം തുടരുകയാണ്.
