പാലക്കാട്: പാര്ട്ടിയില് തരംതാഴ്ത്തല് നടപടി നേരിട്ടതിനെ തുടര്ന്ന് സിപിഎം നേതാവ് പി.കെ.ശശി കെടിഡിസി അധ്യക്ഷപദവി രാജിവയ്ക്കും. അധ്യക്ഷസ്ഥാനത്ത് തുടരാനാകില്ലെന്ന് സൂചന കിട്ടിയതിനെ തുടര്ന്നാണ് രാജി വയ്ക്കുന്നത്..
പാര്ട്ടി ഫണ്ട് തിരിമറി കേസില് പി.കെ.ശശിക്കെതിരെ സിപിഎം നടപടിയെടുത്തിരുന്നു.ഇരുപത് ലക്ഷം രൂപയുടെ ക്രമക്കേടാണ് അന്വേഷണ കമ്മീഷന് കണ്ടെത്തിയതെന്നാണ് റിപ്പോര്ട്ട്. പുത്തലത്ത് ദിനേശന്റെ നേതൃത്വത്തിലുള്ള സമിതിയാണ് ആരോപണം അന്വേഷിച്ചത്.
മണ്ണാര്ക്കാട് ഏരിയാ കമ്മിറ്റി ഓഫീസ് നിര്മാണ ഫണ്ടില് തിരിമറി നടത്തിയെന്നാണ് ആരോപണം. മണ്ണാര്ക്കാട് ഏരിയാ കമ്മിറ്റി പിരിച്ചു വിടുകയും പി.കെ.ശശിയെ പാര്ട്ടിയുടെ തെരഞ്ഞെടുക്കപ്പെട്ട എല്ലാ സ്ഥാനങ്ങളില് നിന്നും നീക്കുകയുമായിരുന്നു. ഈ സാഹചര്യത്തില് പി.കെ.ശശിക്ക് പാര്ട്ടിയുടെ പ്രാഥമികാംഗത്വം മാത്രമായി.
