ആലുവ : കെ.എസ്.ആർ.ടി.സി ബസിൽ മോഷണം നടത്തിയ തമിഴ്നാട് സ്വദേശിനിയെ പോലീസ് അറസ്റ്റ് ചെയ്തു. കോയമ്പത്തൂർ രാജപാളയം തിരുമഗര കോളനിയിൽ രാധ (ഗായത്രി 40)യെയാണ് ആലങ്ങാട് പോലീസ് അറസ്റ്റ് ചെയ്തത്.
ബുധനാഴ്ച പകൽ 10:30 ന് ആണ് സംഭവം. പറവൂരിൽ നിന്ന് ആലുവയ്ക്ക് യാത്ര ചെയ്തിരുന്ന സ്ത്രീയുടെ ബാഗിൽ നിന്ന് പണം അടങ്ങിയ പേഴ്സ് മോഷ്ടിക്കുകയായിരുന്നു. കോതമംഗലം, വടക്കാഞ്ചേരി സ്റ്റേഷനുകളിൽ ഇവർക്കെതിരെ കേസുകളുണ്ട്.
ഇൻസ്പെക്ടർ പി.പി ജസ്റ്റിൻ, എസ്.ഐ ടി.കെ ജോഷി സി പി ഒ മാരായ കൊച്ചുത്രേസ്യ, അനൂപ്, സി.എസ് മനോജ് തുടങ്ങിയവരാണ് അന്വേഷണ സംഘത്തിലുള്ളത്.
