ലണ്ടന് : ഇംഗ്ലണ്ട് മുന് ക്രിക്കറ്റ് താരവും പരിശീലകനുമായ ഗ്രഹാം തോര്പ്പ് ആത്മഹത്യ ചെയ്തതാണെന്ന് ഭാര്യ വെളിപ്പെടുത്തി. കടുത്ത വിഷാദ രോഗം കാരണമാണ് ഗ്രഹാം തോര്പ്പ് ജീവനൊടുക്കിയതെന്ന് ഭാര്യ അമാന്ഡ പറഞ്ഞു.
ഏതാനും വര്ഷങ്ങളായി തോര്പ്പ് വിഷാദ രോഗത്തിലായിരുന്നു. ചികിത്സകളൊന്നും ഫലം കണ്ടില്ലെന്നും അമാന്ഡ പറഞ്ഞു. 1993 മുതല് 2005 വരെ ഇംഗ്ലണ്ട് ടീമിലിടം നേടിയിട്ടുണ്ട് തോര്പ്പ് .100 ടെസ്റ്റ് മത്സരങ്ങളില് കളിച്ചിട്ടുണ്ട്.
ഈ മാസം അഞ്ചിനാണ് താരം മരിച്ചത്. ടെസ്റ്റ് ക്രിക്കറ്റില് ഇംഗ്ലണ്ടിനായി 6,744 റണ്സ് ഗ്രഹാം തോര്പ്പ് സ്കോര് ചെയ്തിട്ടുണ്ട്. കൗണ്ടി ക്രിക്കറ്റില് സറെയ്ക്ക് വേണ്ടി 20,000 ത്തോളം റണ്സാണ് തോര്പ്പ് അടിച്ചുകൂട്ടിയത്. 2005ലായിരുന്നു വിരമിച്ചത്.
