ന്യൂദല്‍ഹി: ഒരു വ്യക്തിയുടെ ദുരന്തത്തില്‍ നിന്നും രാഷ്ട്രീയ മുതലെടുപ്പ് നടത്താന്‍ കോണ്‍ഗ്രസിന് മാത്രമേ കഴിയൂ എന്ന് ഗുസ്തി താരം വിനേഷ് ഫൊഗാട്ടിന്റെ സഹോദരി ബബിത ഫൊഗാട്ട്. വിനേഷ് ഫൊഗാട്ടിന് ഈയിടെ ഒഴിഞ്ഞ രാജ്യസഭാ സീറ്റ് നല്‍കാന്‍ ഹരിയാനയിലെ കോണ്‍ഗ്രസ് നേതാവ് ഭൂപീന്ദര്‍ ഹുഡ ആവശ്യപ്പെട്ടതിനെയാണ് ബബിത ഫൊഗാട്ട് വിമര്‍ശിച്ചത്.
ഇന്ന് ഒരു രാജ്യസഭാ സീറ്റ് ഒഴിഞ്ഞു. തനിക്ക് ഭൂരിപക്ഷമുണ്ടെങ്കില്‍ താന്‍ അവരെ രാജ്യസഭയിലേക്ക് നാമനിര്‍ദേശം ചെയ്തേനെ എന്നായിരുന്നു ഭൂപീന്ദര്‍ ഹൂഡ പറഞ്ഞത്.
“എത്ര കായിക താരങ്ങളെയാണ് ഇതിന് മുന്‍പ് കോണ്‍ഗ്രസ് ഭരിയ്‌ക്കുമ്പോള്‍ രാജ്യസഭയിലേക്ക് പറഞ്ഞയച്ചതെന്ന് പറയാമോ?”- ബബിത ഫൊഗാട്ട് ചോദിച്ചു.
തന്റെ വിരമിക്കല്‍ തീരുമാനം വിനേഷ് ഫൊഗാട്ട് പുനപരിശോധിക്കണമെന്നും ബബിത ഫൊഗാട്ട് ആവശ്യപ്പെട്ടു.
