ഇടുക്കി:മുല്ലപ്പെരിയാര് അണക്കെട്ടില് മുന്കരുതലെടുക്കുന്നതിനുളള നീക്കവുമായി തമിഴ്നാട്. പൊതുമരാമത്ത് വകുപ്പ് ചീഫ് എന്ജിനീയറുടെ നേതൃത്വത്തിലുള്ള സംഘം അണക്കെട്ടില് പരിശോധന നടത്തി.
പൊതുമരാമത്ത് മധുര റീജിയണല് ചീഫ് എന്ജിനീയര് എസ് രമേശിന്റെ നേതൃത്വത്തിലാണ് പരിശോധന നടത്തിയത്. കേരളത്തില് മഴ ശക്തി പ്രാപിക്കാനുള്ള സാധ്യത കണക്കിലെടുത്താണ് ഉദ്യോഗസ്ഥര് പരിശോധനയ്ക്കെത്തിയത്.
അണക്കെട്ടില് ജലനിരപ്പ് ക്രമാതീതമായി ഉയര്ന്നാല് സ്വീകരിക്കേണ്ട മുന്കരുതല് നടപടികള് പരിശോധിച്ചു. ജലനിരപ്പുയര്ന്നാല് സ്വീകരിക്കേണ്ട നിര്ദേശങ്ങള് തമിഴ്നാട്ടിലെ ഉദ്യോഗസ്ഥര്ക്ക് നല്കുന്നതിനുമായിരുന്നു സന്ദര്ശനം.
റൂള് കര്വ് പ്രകാരം അണക്കെട്ടില് ഇപ്പോള് 138 അടി വെള്ളം സംഭരിക്കാം. 131 അടിയാണ് അണക്കെട്ടിലെ ജലനിരപ്പ്.
