കോഴിക്കോട്: മഴ ശക്തമായ പശ്ചാത്തലത്തില്‍ വളയം മലയോര മേഖലയില്‍ നിന്നും ആളുകളെ മാറ്റിപ്പാര്‍പ്പിക്കുന്നു.കുറ്റ്യാടിക്ക് സമീപ പ്രദേശമായ വളയം, ചെക്യാട് ഗ്രാമപഞ്ചായത്തുകളില്‍ ഉള്‍പ്പെടുന്ന അഭയഗിരി ,കണ്ടി വാതുക്കല്‍, ആയോട് മേഖലയിലെ മുഴുവന്‍ കുടുംബങ്ങളെയും മാറ്റുകയാണ്.
ദുരിതാശ്വാസ ക്യാമ്പുകളിലേക്കാണ് ആള്‍ക്കാരെ മാറ്റുന്നത്.പ്രദേശത്തെ ജനങ്ങളെ താമസിപ്പിക്കുന്നതിനായി രണ്ട് ക്യാമ്പുകള്‍ ആരംഭിച്ചു.
പൂവ്വം വയല്‍ എല്‍. പി, സ്‌കൂള്‍, കുറുവന്തേരി യു.പി സ്‌കൂള്‍ എന്നിവിടങ്ങളിലാണ് ക്യാമ്പുകള്‍. മുന്‍കരുതലെന്ന നിലയിലാണ് ആളുകളെ മാറ്റുന്നത്.
