തൃശൂർ: വിദ്യാർത്ഥികളെ കേന്ദ്രീകരിച്ച് ലഹരി വിൽപ്പന നടത്തുന്നതിന് എംഡിഎംഎയുമായി എത്തിയ സ്കൂബ ഡൈവർ പിടിയിൽ. പെരുമ്പിള്ളിശേരി സ്വദേശി ശ്യാം ആണ് അറസ്റ്റിലായത്. ഇരിങ്ങാലക്കുട തേലപ്പള്ളിയിൽ വച്ചാണ് ഇയാളെ പിടികൂടിയത്.
20 ഗ്രാം എംഡിഎംഎയും മോട്ടോർ സൈക്കിളും ഉൾപ്പെടെയാണ് ഇയാളിൽ നിന്ന് പിടികൂടിയത്. തൃശൂർ മേഖലയിൽ മയക്കുമരുന്നിന്റെ മൊത്തക്കച്ചവടക്കാരിൽ പ്രധാനിയാണ് സ്കൂബ ഡൈവറായ ശ്യാം. ഇരിങ്ങാലക്കുടയിലേയും പരിസര പ്രദേശങ്ങളിലേയും വിദ്യാർത്ഥികൾക്ക് വിൽപ്പന നടത്തുന്നതിന് വേണ്ടിയാണ് പ്രതി എംഡിഎംഎ കൊണ്ടുവന്നത്.
തൃശൂർ റൂറൽ ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തെ തുടർന്ന് തൃശൂർ റൂറൽ ഡാൻസാഫ് സംഘവും ഇരിങ്ങാലക്കുട പോലീസും സംയുക്തമായി നടത്തിയ അന്വേഷണത്തിലാണ് പ്രതി അറസ്റ്റിലായത്.
