കൊല്ലം: എസ്ഐയുടെ വീട്ടില് വച്ചിരുന്ന ബൈക്ക് മോഷ്ടിച്ച ആള് പിടിയിലായി. കിളിമാനൂര് സ്വദേശി തട്ടത്തുമല സുജിന്(27) ആണ് പൊലീസിന്റെ കസ്റ്റഡിയിലായത്.
കടയ്ക്കല് പൊലീസ് സ്റ്റേഷന് എസ്ഐ ജഹാംഗീറിന്റെ കലയപുരത്തുളള വീട്ടില് നിന്നാണ് ബൈക്ക് മോഷ്ടിച്ചത്.ഈ മാസം 19ന് രാത്രി പത്ത് മണിയോടെയായിരുന്നു സംഭവം.
എസ്ഐ മാതാവുമായി അഞ്ചലിലെ ആശുപത്രിയില് പോയപ്പോഴാണ് മോഷണം നടന്നത്. വീട്ടില് മടങ്ങിയെത്തിയപ്പോഴാണ് ബൈക്ക് നഷ്ടപ്പെട്ടെന്ന് മനസിലായത്.
പിന്നാലെ ചിതറ പൊലീസില് പരാതി നല്കിയത് പ്രകാരം സിസിടിവി ദൃശ്യങ്ങള് കേന്ദ്രീകരിച്ച് നടത്തിയ പരിശോധനയില് ഓട്ടോറിക്ഷയില് എത്തിയ രണ്ട് പേരാണ് ബൈക്ക് മോഷ്ടിച്ചതെന്ന് കണ്ടെത്തി. തുടര്ന്നുളള അന്വേഷണത്തിലാണ് സുജിന് പിടിയിലായത്.
