പാരിസ്: പാരിസ് ഒളിമ്പിക്സില്‍ ഇന്ത്യയുടെ താരങ്ങളുടെ കാര്യങ്ങള്‍ നോക്കുന്ന പ്രധാന ഉദ്യോഗസ്ഥയാണ് ഇന്ത്യന്‍ ഒളിമ്പിക് അസോസിയേഷന്‍ പ്രസിഡന്‍റായ പി.ടി. ഉഷ. 117 താരങ്ങള്‍ ഉള്‍പ്പെടുന്ന ഇന്ത്യയിലെ ഒളിമ്പിക്സ് ടീമിനൊപ്പം പി.ടി. ഉഷ പാരീസിലുണ്ട്.
What a pleasure to meet Tennis legend @RafaelNadal at the Olympic Village. Wished him the best for the games! Looking forward to following his performances at his favourite Roland Garros!@Paris2024 pic.twitter.com/b8mewaizxb
— P.T. USHA (@PTUshaOfficial) July 25, 2024
ഇന്ത്യയുടെ മെഡല്‍ പ്രതീക്ഷ ആരെന്ന് ചോദിച്ചാല്‍ ഉഷ ആദ്യം പറയുന്ന പേര് നീരജ് ചോപ്രയുടേതാണ്. ജാവലിനില്‍ നീരജ് ചോപ്ര വഴി ഒരു സ്വര്‍ണ്ണമെഡലില്‍ കുറഞ്ഞ ഒരു പ്രതീക്ഷയില്ല.
അതിനിടെ, ഉഷ കഴിഞ്ഞ ദിവസം പാരിസ് ഒളിമ്പിക്സില്‍ ടെന്നീസ് താരം റാഫേല്‍ നഡാലിനെ കണ്ടുമുട്ടി. അതിന്റെ ചിത്രവും പി.ടി. ഉഷ എക്സ് പേജില്‍ പങ്കുവെച്ചു. റാഫേല്‍ നഡാല്‍ ഒളിമ്പിക്സില്‍ ടെന്നീസില്‍ മത്സരിക്കാന്‍ എത്തിയിരിക്കുകയാണ്. “റഫേല്‍ നഡാലിന്റെ പ്രിയ കോര്‍ട്ടായ റോളങ് ഗാരോസില്‍ അദ്ദേഹം എന്ത് പ്രകടനമാണ് നടത്താന്‍ പോകുന്നത് എന്നത് ആകാംക്ഷയോടെ കാത്തിരിക്കുന്നു”- പി.ടി. ഉഷ കുറിച്ചു.
