ബെംഗളൂരു: കോറമംഗലയില്‍ യുവതിയെ കഴുത്തറുത്തു കൊലപ്പെടുത്തി. ചൊവാഴ്ച രാത്രിയോടെയാണു സംഭവം. കോറമംഗലയില്‍ പേയിങ് ഗസ്റ്റ് ആയി താമസിക്കുന്ന കൃതി കുമാരിയെയാണ് (22) കഴുത്തറുത്തു കൊലപ്പെടുത്തിയത്. ബിഹാര്‍ സ്വദേശിയാണു കൃതി കുമാരി.
ഹോസ്റ്റലിലെ മൂന്നാം നിലയിലെ മുറിയ്‌ക്കു സമീപമാണു യുവതിയെ കൊല്ലപ്പെട്ട നിലയില്‍ കണ്ടെത്തിയത്. സംഭവസ്ഥലത്തു വച്ചുതന്നെ കൃതി മരിച്ചു. സിസിടിവി ദൃശ്യങ്ങളുടെ അടിസ്ഥാനത്തില്‍ പ്രതിയെ കണ്ടെത്താനുള്ള ശ്രമത്തിലാണ് പൊലീസ്.
പ്രതിയെ തിരിച്ചറിഞ്ഞു കഴിഞ്ഞതായും ഉടന്‍ കസ്റ്റഡിയില്‍ എടുക്കുമെന്നും പൊലീസ് പറഞ്ഞു. സൗത്ത് ഈസ്റ്റ് ഡിവിഷന്‍ ഡി.സി.പി സാറാ ഫാത്തിമ്മക്കൊപ്പം കോറമംഗല പോലീസും സ്ഥലത്തെത്തി. പരിചയക്കാരാണ് കുറ്റം ചെയ്തതെന്ന് പൊലീസ് സംശയിക്കുന്നു.
