എറണാകുളം: സ്‌കൂള്‍ ബസ് മതിലിലിടിച്ച് നിരവധി വിദ്യാര്‍ഥികള്‍ക്ക് പരിക്ക്. ചൊവ്വാഴ്ച രാവിലെ ഒന്‍പത് മണിയോടെ കാക്കശേരി – കാളിയാര്‍ റോഡില്‍ കടുംപിടിക്ക് സമീപം പുതുപ്പാടി ഫാ. ജോസഫ് മെമ്മോറിയല്‍ ഹയര്‍ സെക്കന്‍ഡറി സ്‌കൂളിലെ ബസാണ് മതിലില്‍ ഇടിച്ചത്.
അപകട കാരണം വ്യക്തമല്ല. കനത്തമഴയും സ്ഥലത്തെ വളവും അപകട കാരണമായി എന്നാണ് നിഗമനം. റോഡിലെ ബോര്‍ഡും പുതിയതായി സ്ഥാപിച്ച തൊരുവ് വിളക്കും ഇടിച്ചുതെറിപ്പിച്ച് ആണ് വാഹനം മതിലിലിടിച്ച് നിന്നത്.
നിസാരമായി പരിക്കേറ്റ വിദ്യാര്‍ഥികളെ സമീപത്തെ സ്വകാര്യ ആശുപത്രിയില്‍ പ്രാഥമിക ചികിത്സ നല്‍കി. പോത്താനിക്കാട് പൊലീസും കണ്‍ട്രോള്‍ റൂം പൊലീസും ചേര്‍ന്ന് മേല്‍ നടപടികള്‍ സ്വീകരിച്ചു.
