മലപ്പുറം: തിരൂർ ബിപി അങ്ങാടി സർക്കാർ വൊക്കേഷണൽ ഗേൾസ് ഹയർ സെക്കൻഡറി സ്കൂളിൽ സമരവുമായി വിദ്യാർത്ഥികൾ. സ്കൂളിൽ ആവശ്യത്തിന് അടിസ്ഥാന സൗകര്യമില്ലെന്ന് ആരോപിച്ചാണ് വിദ്യാർത്ഥികളുടെ സമരം.
ക്ലാസ് മുറികളിൽ പുഴുക്കളുടെ ശല്യം രൂക്ഷമാകുകയും വിദ്യാർത്ഥികളുടെ ചോറ്റുപാത്രത്തിലേക്ക് ഉൾപ്പെടെ തേരട്ട വിണതോടെയാണ് സമരത്തിനിറങ്ങിയത്. തേരട്ട വീണ ഭക്ഷണം ഉയർത്തിപ്പിടിച്ചാണ് സമരം ചെയ്തത്. ആവശ്യത്തിന് ശുചിമുറികൾ സ്കൂളിലില്ലെന്നും കുട്ടികൾ പറയുന്നു. സ്കൂളിന് സമീപമുള്ള റോഡ് ഉപരോധിക്കുകയാണ് വിദ്യാർത്ഥികൾ.
