കോഴിക്കോട് : നിപ ബാധിച്ച് കോഴിക്കോട് ചികിത്സയിലായിരുന്ന മലപ്പുറം പാണ്ടിക്കാട് സ്വദേശിയായ പതിനാലുകാരൻ മരിച്ചു. ഇന്ന് രാവിലെയാണ് മെഡിക്കൽ കോളേജിൽ വെച്ചാണ് മരണം. ഇക്കഴിഞ്ഞ പതിനഞ്ചാം തീയതി മുതല് രോഗലക്ഷണങ്ങള് കണ്ട കുട്ടിയെ ആദ്യം പാണ്ടിക്കാട്ടെ ക്ളിനിക്കിലും പിന്നീട് രണ്ട് സ്വകാര്യ ആശുപത്രികളിലും പ്രവേശിപ്പിച്ച ശേഷമാണ് കോഴിക്കോട് മിംസ് ആശുപത്രിയിലെത്തിച്ചത്.
നിപ സ്ഥിരീകരിച്ചതിന് പിന്നാലെ മെഡിക്കൽ കോളേജിലേക്ക് മാറ്റി. ഇന്ന് രാവിലെയോടെ കുട്ടിക്ക് ഹൃദയസ്തംഭനം ഉണ്ടായിരുന്നു. 14കാരനുമായി സമ്പര്ക്കം ഉണ്ടായ ഒരാള്ക്കും രോഗലക്ഷണങ്ങളുണ്ട്. കുട്ടി ഗുരുതരാവസ്ഥയിലാണെന്ന് ഇന്ന് രാവിലെ ആരോഗ്യമന്ത്രി വീണാ ജോർജ് അറിയിച്ചിരുന്നു. ഈ മാസം പത്തിനായിരുന്നു കുട്ടിക്ക് പനി ബാധിച്ചത്. സംസ്ഥാനത്ത് ഇതുവരെ 22 പേർ നിപ ബാധിച്ച് മരിച്ചിരുന്നു.
