തിരുവനന്തപുരം : നെയ്യാറ്റിന്കര ജനറല് ആശുപത്രിയില് ചികിത്സ കിട്ടാതെ രോഗി മരിച്ചെന്ന് പരാതി. രാജേഷ് കുമാര്(52) ആണ് മരിച്ചത്.കടുത്ത നെഞ്ചുവേദനയെ തുടര്ന്ന് ആശുപത്രിയില് എത്തിയപ്പോള് വരിയില് നില്ക്കാന് ആവശ്യപ്പെടുക ആയിരുന്നു സുരക്ഷാ ജീവനക്കാരനെന്ന് ഒപ്പമുണ്ടായിരുന്ന ആള് പറഞ്ഞു. ക്യൂ നില്ക്കുന്നതിനിടെ കുഴഞ്ഞു വീണാണ് മരണം. രാത്രി ഏഴ് മണിയോടെ ആണ് സംഭവം. ഇതേ തുടര്ന്ന് ആശുപത്രിക്ക് മുന്നില് നാട്ടുകാര് പ്രതിഷേധിക്കുകയാണ്.സംഭവത്തില് ആരോഗ്യമന്ത്രി റിപ്പോര്ട്ട് തേടി.
പരാതി പരിശോധിക്കുമെന്ന് ആശുപത്രി അധികൃതര് പ്രതികരിച്ചു. മൃതദേഹം രോഗിയുടെ ബന്ധുക്കള് സ്വീകരിച്ചില്ല. ആശുപത്രി അധികൃതരും തമ്മില് ബന്ധുക്കളും തമ്മില് വാക്കേറ്റമുണ്ടായി.
സിസിടിവി പരിശോധിക്കുമെന്നും വെളളിയാഴ്ച തന്നെ എല്ലാവരുടെയും മൊഴി എടുക്കുമെന്നും ആശുപത്രി സൂപ്രണ്ട് പ്രതികരിച്ചു.വീഴ്ച ഉണ്ടായെന്ന് തെളിഞ്ഞാല് നടപടി എടുക്കുമെന്നും അദ്ദേഹം പറഞ്ഞു. സുരക്ഷാ ജീവനക്കാരനെ ഡ്യൂട്ടിയില് നിന്നും മാറ്റി നിര്ത്തി.
