തിരുവനന്തപുരം: വിഴിഞ്ഞം അന്താരാഷ്ട്ര തുറമുഖത്ത് ആദ്യമായി എത്തിയ മദര്ഷിപ്പ് മടങ്ങി. ഉച്ചയ്ക്ക് 12 മണിയോടെയാണ് കണ്ടെയ്നര് കപ്പലായ സാന് ഫെര്ണാണ്ടോ മടങ്ങിയത്.
പിന്നാലെ കൊളംബോയില് നിന്നും കെമാറിന് അസൂര് എന്ന കപ്പല് ഉച്ചയ്ക്ക് 2.40-ഓടെ വിഴിഞ്ഞം തുറമുഖത്ത് എത്തി. തുറമുഖത്തുളള ക്രെയിനുകള് കെമാറിന് അസൂറില് നിന്ന് 338 കണ്ടെയ്നറുകള് ഇറക്കി യാര്ഡിലേക്ക് മാറ്റി.
സാന് ഫെര്ണാണ്ടോയില് നിന്നും തുറമുഖത്ത് ഇറക്കിയ കണ്ടെയ്നറുകളില് 798 കണ്ടെയ്നറുകള് കയറ്റിയാണ് കപ്പല് തിരികെ പോകുക. ചൊവ്വാഴ്ച വൈകിട്ടോടെ കപ്പല് വിഴിഞ്ഞത്തുനിന്ന് മുംബയിലെ ജവഹര്ലാല് നെഹ്റു തുറമുഖത്തേക്ക് തിരിക്കും.
