തൃശൂര്‍ :തൃപ്പൂണിത്തറ തെരഞ്ഞെടുപ്പ് കേസില്‍ കെ.ബാബുവിന് സുപ്രിംകോടതിയുടെ നോട്ടീസ്. ഹൈക്കോടതി ഉത്തരവിനെതിരെ എം സ്വരാജ് നല്‍കിയ ഹര്‍ജിയിലാണ് നോട്ടീസയയ്‌ക്കാന്‍ ഉത്തരവായത്.
കെ.ബാബുവിന്റെ വിജയം ചോദ്യംചെയ്തുള്ള ഹര്‍ജി തള്ളിയതിനെതിരെയാണ് സ്വരാജ് സുപ്രീം കോടതിയെ സമീപിച്ചത്. യുഡിഎഫ് സ്ഥാനാര്‍ത്ഥിയായ കെ.ബാബു മതചിഹ്നം ഉപയോഗിച്ചു വോട്ടുപിടിച്ചെന്നാണ് സ്വരാജിന്റെ ഹര്‍ജിയിലെ ആരോപണം.
അയ്യപ്പനെ പ്രചാരണായുധമാക്കിയെന്നും എം. സ്വരാജ് ഹര്‍ജിയില്‍ ചൂണ്ടിക്കാട്ടിയിരുന്നു.2021ലെ കേരള നിയമസഭാ തെരഞ്ഞെടുപ്പില്‍ തൃപ്പൂണിത്തുറ മണ്ഡലത്തില്‍ 992 വോട്ടുകള്‍ക്കാണ് യുഡിഎഫ് സ്ഥാനാര്‍ത്ഥിയായിരുന്ന കെ ബാബു വിജയിച്ചത്.
നിയമസഭാ തെരഞ്ഞെടുപ്പ് സമയം വീടുകളില്‍ വിതരണം ചെയ്ത സ്ലിപ്പില്‍ സ്ഥാനാര്‍ത്ഥിയുടെ ചിഹ്നത്തിനൊപ്പം അയ്യപ്പന്റെ ഫോട്ടോയും വെച്ചുവെന്നാണ് സ്വരാജിന്റെ വാദം.
