ആലപ്പുഴ: ഹിമാലയ പര്വതത്തില് 4,800 മീറ്റര് ഉയരം താണ്ടി ചേര്ത്തലയിലെ എട്ടാം ക്ലാസ് വിദ്യാര്ഥിനി. ചേര്ത്തല നഗരസഭ 33-ാം വാര്ഡില് ഞാറയ്ക്കാവേലില് ഷൈന് വര്ഗീസ്, പ്രീതി ദമ്പതികളടെ മകള് അന്നാ മേരിയാണ് സ്വപ്നം യാഥാര്ഥ്യമാക്കിയത്.
ചേര്ത്തല സെന്റ മേരീസ് ഗേള്സ് ഹൈസ്കൂളിലെ എട്ടാം ക്ലാസ് വിദ്യാര്ഥിനിയാണ്. ജൂണ് 20നാണ് പിതാവിനൊപ്പം പുറപ്പെട്ടത്. ഹരിയാനയില് നിന്നുള്ള എട്ടാം ക്ലാസ് വിദ്യാര്ഥിനി ആരാധ്യ അടക്കം എട്ടു സംസ്ഥാനങ്ങളില് നിന്നായി 13 പേരാണ് യാത്രയിലുണ്ടായിരുന്നത്.
ഹിമാലയത്തിന്റെ താഴ്വരയായ സോളഗ് വാലിയിലാണ് ഇവര് ഒത്തുചേര്ന്നത്.യാത്രയ്ക്കിടെ രാത്രികളില് ടെന്റ് സ്ഥാപിച്ചാണ് അന്തിയുറങ്ങിയത്. ലഘു ഭക്ഷണങ്ങള് കരുതിയിരുന്നു. മഞ്ഞുരുകിയ വെള്ളമാണ് കുടിച്ചത്. ആറു ദിവസം കൊണ്ട് 4800 മീറ്റര് പിന്നിടാനായി.
500 മീറ്റര് കൂടി കയറിയിരുന്നെങ്കില് ലക്ഷ്യസ്ഥാനമായിരുന്ന ഫ്രണ്ട്സ് ഷിപ്പ് പീക്കിനു മുകളില് എത്താമായിരുന്നു. എന്നാല് ശാരിരിക അസ്വസ്ഥതകള് മൂലം പൂര്ത്തിയാക്കാനായില്ല. ഹിമാലയം കയറുന്നതിന് കൊച്ചി കടവന്ത്ര രാജീവ് ഗാന്ധി സ്റ്റേഡിയത്തില് പരിശീലനം നേടിയിരുന്നു. ആഫ്രിക്കന് ഉപഭൂഖണ്ഡത്തിലെ ഉയരം കൂടിയ പര്വതനിരയായ കിളിമഞ്ചാരോ കീഴടക്കുകയാണ് അടുത്ത ലക്ഷ്യം.
