ചെന്നൈ: തമിഴ്നാട്ടിലെ ബിഎസ്പി സംസ്ഥാന മേധാവി കെ. ആംസ്ട്രോങ്ങിന്റെ കൊലപാതകം സിബിഐ അന്വേഷിക്കണമെന്ന് ആവശ്യപ്പെട്ട് ബിഎസ് പി ദേശീയ നേതാവ് മായാവതി. സ്റ്റാലിന്റെ തമിഴ്നാട് സര്‍ക്കാര്‍ ശരിയായ രീതിയില്‍ അന്വേഷണം നടത്തുന്നില്ലെന്നും മായാവതി ആരോപിച്ചു.
ജൂലായ് അഞ്ചിന് തമിഴ്നാട്ടിലെ തന്റെ വസതിക്ക് മുന്‍പില്‍ അക്രമികള്‍ ആംസ്ട്രോങ്ങിനെ വെട്ടിക്കൊലപ്പെടുത്തുകയായിരുന്നു. അന്വേഷണം സിബിഐയ്‌ക്ക് കൈമാറണമെന്നും മായാവതി മുഖ്യമന്ത്രി സ്റ്റാലിനോട് ആവശ്യപ്പെട്ടു.
മായാവതി മരുമകന്‍ ആകാശ് ആനന്ദിനൊപ്പം ശവസംസ്കാരച്ചടങ്ങില്‍ പങ്കെടുക്കാന്‍ തമിഴ്നാട്ടില്‍ എത്തിയിരുന്നു. തമിഴ്നാട്ടിലെ ക്രമസമാധാനം കുത്തഴിഞ്ഞ നിലയിലാണെന്നും മായാവതി പ്രവര്‍ത്തകരെ അഭിസംബോധന ചെയ്ത് പ്രസംഗിക്കവേ കുറ്റപ്പെടുത്തി.
