മലപ്പുറം: വിവാഹം മുടക്കിയെന്നാരോപിച്ച് മധ്യവയസ്‌കനെ വീട്ടില്‍ കയറി മര്‍ദ്ദിച്ചു. കോട്ടയ്‌ക്കലാണ് സംഭവം.
കേസില്‍ മധ്യവയസ്‌കന്റെ അയല്‍ക്കാരായ പിതാവും മകനും ഇവരുടെ ബന്ധുവും പൊലീസ് പിടിയിലായി.തയ്യില്‍ അബ്ദു, ഇയാളുടെ മകന്‍ നാഫി ബന്ധു ജാഫര്‍ എന്നിവരാണ് അറസ്റ്റിലായത്.
ഒതുക്കുങ്ങല്‍ ചെറുകുന്ന് സ്വദേശിയാണ് മര്‍ദനത്തിനിരയായ മധ്യവയസ്‌കന്‍. വീട്ടില്‍ നിന്നും വിളിച്ചിറക്കി മണിക്കൂറുകളോളം വിചാരണ ചെയ്താണ് ഇദ്ദേഹത്തെ മര്‍ദ്ദിച്ചത്. മര്‍ദ്ദന ദൃശ്യങ്ങള്‍ പകര്‍ത്തി സമൂഹ മാധ്യമങ്ങളിലും പ്രചരിപ്പിച്ചു.
