മേടക്കൂറ്: അശ്വതി, ഭരണി, കാര്ത്തിക (1/4)
ഭൂമിയോ വീടോ വാങ്ങിക്കും. ദേവീക്ഷേത്ര സന്ദര്ശനം സാധ്യമാകും. അനാവശ്യചെലവ് വര്ധിക്കും. പുതിയ ആശയങ്ങള് ഉദയം ചെയ്യും. ദൂരയാത്രകള് താല്ക്കാലികമായി നിര്ത്തിവയ്ക്കേണ്ടി വരും. അമ്മയുടെ സ്വത്ത് ഭാഗം വയ്ക്കാന് ശ്രമിക്കും.
ഇടവക്കൂറ്: കാര്ത്തിക (3/4), രോഹിണി, മകയിരം (1/2)
കമ്പ്യൂട്ടര് പഠനത്തില് പുരോഗതിയും അതുമായി ബന്ധപ്പെട്ട ജോലിയും ലഭിക്കും. പുതിയ ബിസിനസ് ആരംഭിക്കും. ആഡംബര വസ്തുക്കള്ക്കായി പണം ചെലവഴിക്കും. കുടുംബ സമാധാനം കുറയും. തൊഴില്രഹിതര്ക്ക് പുതിയ ജോലി ലഭിക്കും.
മിഥുനക്കൂറ്: മകയിരം (1/2), തിരുവാതിര, പുണര്തം (3/4)
ജോലി ഭാരം കൂടും. പ്രേമബന്ധങ്ങള് വിവാഹത്തില് കലാശിക്കും. രാഷ്ട്രീയനേതാക്കള്, മന്ത്രിമാര് എന്നിവര്ക്ക് സ്ഥാനചലനമുണ്ടാകും. ഗൃഹനാഥനെ ഭീഷണിപ്പെടുത്തി ധനം അപഹരിക്കപ്പെടും. സഹപ്രവര്ത്തകരില് നിന്ന് സഹായമുണ്ടാകും. ഉദ്യോഗത്തില് ഉയര്ച്ചയുണ്ടാകും.
കര്ക്കടകക്കൂറ്: പുണര്തം (1/4), പൂയം, ആയില്യം
സന്താനങ്ങള്ക്ക് ചില്ലറ അസുഖങ്ങളുണ്ടാകും. ബാങ്ക് ബാലന്സില് വര്ധനയുണ്ടാകും. കുടുംബത്തില് ചില വിരുന്നുകളോ സദ്യകളോ ഏര്പ്പാട് ചെയ്യും. പ്രോത്സാഹജനകങ്ങളായ രേഖകളോ സന്ദേശങ്ങളോ കൈയില് വന്നുചേരും. ഉന്നതരായ വ്യക്തികളില്നിന്ന് പല സഹായങ്ങളും ലഭിക്കും.
ചിങ്ങക്കൂറ്: മകം, പൂരം, ഉത്രം (1/4)
ക്രിമിനല് വക്കീലന്മാര്ക്ക് വധഭീഷണി നേരിടാന് സാധ്യതയുണ്ട്. ധൈര്യപൂര്വ്വം മുന്നോട്ടു നീങ്ങിയാല് എല്ലാ രംഗങ്ങളിലും വിജയിക്കും. ആഗ്രഹിക്കുന്ന വിധത്തില് അംഗീകാരവും പദവിയും ലഭിക്കും. ജനമധ്യത്തില് മാന്യതയുണ്ടാകും.
കന്നിക്കൂറ്: ഉത്രം (3/4), അത്തം, ചിത്തിര (1/2)
ഗൃഹാന്തരീക്ഷം പൊതുവെ സുഖകരമായിരിക്കും. വ്യാപാരങ്ങളില് വേണ്ടത്ര പുരോഗതിയുണ്ടാകില്ല. ഭൂമിയില്നിന്നുള്ള ആദായം കുറയും. പഴക്കംചെന്ന വ്യവഹാരങ്ങളില് തീര്പ്പുണ്ടാകും. മറ്റുള്ളവര് നിര്വഹിക്കേണ്ട ജോലികള് സ്വയം ഏറ്റെടുത്ത് പൂര്ത്തിയാക്കും.
തുലാക്കൂറ്: ചിത്തിര (1/2), ചോതി, വിശാഖം (3/4)
ഭൂസ്വത്തുക്കള് ക്രയവിക്രയങ്ങള് നടത്തും. എല്ലാ കാര്യങ്ങളിലും വിജയവും നല്ല വരുമാനവും ഉണ്ടാകും. ആഡംബര വസ്തുക്കള് വാങ്ങാന് പണം ചെലവഴിക്കും. സ്വതന്ത്രമായി ജോലി ചെയ്യുന്നവര്ക്ക് ഈ മാസം നല്ല വരുമാനമുണ്ടാകും.
വൃശ്ചികക്കൂറ്: വിശാഖം (1/4), അനിഴം, തൃക്കേട്ട
ഭൂമിയോ കെട്ടിടങ്ങളോ വാങ്ങാന് സാധിക്കും. ഔദ്യോഗിക രംഗത്ത് ഉയര്ച്ചയുണ്ടാകും. ശാരീരിക മാനസിക ആനന്ദവും ചൈതന്യവും വര്ധിക്കും. പഴയ വീടുകള് പുതുക്കിപ്പണിയും. മനസ്സിന് ഉന്മേഷവും കാര്യങ്ങളില് പുരോഗതിയുണ്ടാകും. കലാപരമായി ഉയര്ച്ചയുണ്ടാകും.
ധനുക്കൂറ്: മൂലം, പൂരാടം, ഉത്രാടം (1/4)
വ്യാപാരാദി കാര്യങ്ങളില് കൂടുതല് ശ്രദ്ധ പതിപ്പിക്കും. അന്തസ്സും പ്രശസ്തിയും വര്ദ്ധിക്കുന്നതാണ്. പല കേന്ദ്രങ്ങളില്നിന്നും പണം ലഭിക്കുന്നതാണ്. പുതിയ ചില ഉത്തരവാദിത്വങ്ങള് ഏറ്റെടുക്കുകയോ ജോലിയില് പ്രവേശിക്കുകയോ ചെയ്യും. വാഹനങ്ങള് മാറ്റി വാങ്ങും.
മകരക്കൂറ്: ഉത്രാടം (3/4), തിരുവോണം, അവിട്ടം (1/2)
മംഗളകാര്യങ്ങളില് പങ്കുകൊള്ളും. പിതൃസ്വത്ത് ലഭിക്കും. പണകാര്യങ്ങളില് ശ്രദ്ധ കുറയും. ശത്രുക്കളുമായി സന്ധി ചെയ്യുന്നതുകൊണ്ട് ഗുണം ചെയ്യും. ദൈവാനുകൂല്യം നിമിത്തം എല്ലാ പ്രതിസന്ധികളും തരണം ചെയ്യാന് കഴിയും. പ്രതികൂല പരിതഃസ്ഥിതികളില് പോലും അന്തസ്സു കാത്തുസൂക്ഷിക്കും. സര്ക്കാര് ആനുകൂല്യങ്ങള് ലഭിക്കും.
കുംഭക്കൂറ്: അവിട്ടം (1/2), ചതയം, പൂരുരുട്ടാതി (3/4)
ഭാര്യയുമായി ഭിന്നിച്ചു നില്ക്കേണ്ടി വരും. പ്രൊമോഷന് ലഭിക്കും. വ്യവഹാരാദികളില് വിജയമുണ്ടാകും. പുതിയ വ്യവസായങ്ങള് തുടങ്ങുന്നതിന് പരിശ്രമിച്ചുകൊണ്ടിരിക്കും. വ്യാപാരങ്ങളില് നിന്ന് കൂടുതല് ലാഭം ലഭിക്കുന്നതാണ്. പുണ്യകര്മങ്ങളില് സംബന്ധിക്കും. മംഗളകാര്യങ്ങളില് പങ്കെടുക്കും.
മീനക്കൂറ്: പൂരുരുട്ടാതി (1/4), ഉതൃട്ടാതി, രേവതി
മാതാവിന്റെ അസുഖം വര്ധിക്കും. കൂടുതല് അധ്വാനിക്കേണ്ടി വരും. മനസ്സിന് അസ്വസ്ഥതയുണ്ടാകും. സുഹൃത്തുക്കളില്നിന്ന് ധനസഹായം ലഭിക്കും. വീടിനായി പതിവിലധികം പണം ചെലവഴിക്കും. മകളുടെ വിവാഹകാര്യവും ജോലിയും ശരിയാവാനിടയുണ്ട്.
