ന്യൂദൽഹി : ഇൻ്റലിജൻസ് ബ്യൂറോയിലെ സ്‌പെഷ്യൽ ഡയറക്ടർ ടി. വി. രവിചന്ദ്രനെ ഡെപ്യൂട്ടി ദേശീയ സുരക്ഷാ ഉപദേഷ്ടാവായും (എൻഎസ്എ) ഡെപ്യൂട്ടി ദേശീയ സുരക്ഷാ ഉപദേഷ്ടാവും മുൻ ആർആൻഡ് എഡബ്ല്യു മേധാവിയുമായ രജീന്ദർ ഖന്നയെ അഡീഷണൽ ദേശീയ സുരക്ഷാ ഉപദേഷ്ടാവായും (എൻഎസ്എ) നിയമിച്ചു. ഇത് സംബന്ധിച്ച് കേന്ദ്രം ചൊവ്വാഴ്ച വിജ്ഞാപനം പുറപ്പെടുവിച്ചു.
ഒഡീഷ കേഡറിൽ നിന്നുള്ള 1978 ബാച്ച് ഐപിഎസ് ഓഫീസറായ ഖന്ന, 2014 ഡിസംബർ മുതൽ 2016 ഡിസംബർ വരെ റിസർച്ച് ആൻഡ് അനാലിസിസ് വിംഗിന്റെ ചീഫ് ആയി സേവനമനുഷ്ഠിച്ചു. ടെക്നോളജി ആൻഡ് ഇൻ്റലിജൻസ് വിഭാഗത്തിന്റെ മേൽനോട്ടം വഹിച്ച് 2018 ജനുവരിയിൽ ഡെപ്യൂട്ടി ദേശീയ സുരക്ഷാ ഉപദേഷ്ടാവായി നിയമിതനായി. കഴിഞ്ഞ മാസം വിദേശകാര്യ സെക്രട്ടറിയായി ചുമതലയേറ്റ വിക്രം മിസ്ത്രിക്ക് പകരമായാണ് രവിചന്ദ്രനെ ഡെപ്യൂട്ടി എൻഎസ്എ ആയി നിയമിക്കുന്നത്.
1990 ബാച്ച് ഉദ്യോഗസ്ഥനായ അദ്ദേഹം ഇപ്പോൾ ദക്ഷിണേന്ത്യയുടെ ചുമതല വഹിക്കുന്ന ഇൻ്റലിജൻസ് ബ്യൂറോയിൽ സ്‌പെഷ്യൽ ഡയറക്ടറായി സേവനമനുഷ്ഠിക്കുന്നു. 2024 ഓഗസ്റ്റിൽ അദ്ദേഹം വിരമിക്കേണ്ടതായിരുന്നു. പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള ദേശീയ സുരക്ഷാ കൗൺസിൽ സെക്രട്ടേറിയറ്റിന്റെ സെക്രട്ടറിയായി അജിത് ഡോവൽ പ്രവർത്തിക്കുന്നു.
ഇന്ത്യയിലെ ആഭ്യന്തരവും ബാഹ്യവുമായ സുരക്ഷയുമായി ബന്ധപ്പെട്ട എല്ലാ കാര്യങ്ങളുടെയും പരമോന്നത ബോഡിയായിട്ടാണ് ഇത് പ്രവർത്തിക്കുന്നു.
