ന്യൂഡല്‍ഹി: ലോകകപ്പ് നേടിയ ഇന്ത്യന്‍ പുരുഷ ക്രിക്കറ്റ് ടീമിനെ ലോക്സഭാ സ്പീക്കര്‍ ഓം ബിര്‍ള അഭിനന്ദിച്ചു. തിങ്കളാഴ്ച ലോക്സഭാ സമ്മേളനത്തിന്റെ തുടക്കത്തില്‍, ടീം അംഗങ്ങള്‍ക്കും ക്യാപ്റ്റന്‍ രോഹിത് ശര്‍മ്മയ്‌ക്കും ആശംസകള്‍ നേര്‍ന്ന് ഓം ബിര്‍ള പ്രസ്താവന വായിച്ചു.
ഈ ചരിത്ര നേട്ടം രാജ്യത്തുടനീളം വളരെയധികം ആവേശം സൃഷ്ടിച്ചിട്ടുണ്ടെന്നും ഇത് എല്ലാ യുവാക്കള്‍ക്കും മറ്റ് കളിക്കാര്‍ക്കും പ്രചോദനമാകുമെന്നും ഓം ബിര്‍ള പറഞ്ഞു.
ട്രഷറി ബെഞ്ചുകളും ഇന്‍ഡി ബ്ലോക്കിലെ അംഗങ്ങളും തമ്മിലുള്ള കടുത്ത അഭിപ്രായവ്യത്യാസങ്ങള്‍ക്കിടയില്‍ വെള്ളിയാഴ്ച നിര്‍ത്തിവച്ച 18-ാം ലോക്സഭയുടെ ആദ്യ സെഷന്‍ തിങ്കളാഴ്ച പുനരാരംഭിച്ചപ്പോഴായിരുന്നു സ്പീക്കറുടെ പ്രസ്താവന .
