ന്യൂഡല്‍ഹി: ഇന്ത്യയിലുടനീളം ബാങ്കുകള്‍ക്ക് ഈ മാസം 12 ദിവസങ്ങളില്‍ പൊതു അവധിയായിരിക്കുമെന്ന് റിസര്‍വ് ബാങ്ക് ഓഫ് ഇന്ത്യ അറിയിച്ചു. പൊതു അവധികള്‍, സംസ്ഥാന അവധികള്‍, സാംസ്‌കാരികമായോ മതപരമായോ ഉളള ആചാരങ്ങള്‍ക്കുളള അവധികള്‍, സര്‍ക്കാര്‍ പ്രഖ്യാപനങ്ങള്‍, മ?റ്റ് ബാങ്കുകളുമായുളള ഏകോപനങ്ങള്‍ തുടങ്ങിയവ അടിസ്ഥാനമാക്കിയാണ് അവധി ദിവസങ്ങള്‍ പ്രഖ്യാപിച്ചിരിക്കുന്നത്. ഇതിന്റെ ലിസ്റ്റും പുറത്തുവിട്ടിട്ടുണ്ട്.
പ്രാദേശിക അവധികള്‍, പ്രത്യേക ദിവസങ്ങള്‍ക്കുളള അവധി,രണ്ടാമത്തെ ശനിയാഴ്ച, നാലാമത്തെ ശനിയാഴ്ച, ഞായറാഴ്ച ദിവസങ്ങള്‍ തുടങ്ങിയ ദിവസങ്ങളില്‍ ബാങ്കുകള്‍ അവധിയായിരിക്കും. അവധി ദിവസങ്ങളിലും ഉപയോക്താക്കള്‍ക്ക് എടിഎം, നെറ്റ് ബാങ്കിംഗ്, ബാങ്കുകളുടെ മൊബൈല്‍ ആപ്ലിക്കേഷനുകള്‍ തുടങ്ങിയവ തടസം കൂടാതെ വിനിയോഗിക്കാന്‍ സാധിക്കുമെന്നും റിസര്‍വ് ബാങ്ക് ഓഫ് ഇന്ത്യയുടെ അറിയിപ്പില്‍ പറയുന്നു.
ജൂലായ് 3 മേഘാലയിലെ ബാങ്കുകള്‍ക്ക് ബെഹ് ഡീന്‍ഖ്‌ലാം പ്രമാണിച്ച് അവധിയായിരിക്കും.
ജൂലായ് 6 എംഎച്ച്‌ഐപി പ്രമാണിച്ച് ഐസ്‌വാളിലെ ബാങ്കുകള്‍ക്ക് അവധിയായിരിക്കും.
ജൂലായ് 7 ഞായറാഴ്ച രാജ്യത്തെ എല്ലാ ബാങ്കുകള്‍ക്കും അവധി
ജൂലായ് 8 കാംഗ് രഥജാത്രയോടനുബന്ധിച്ച് ഇംഫാലില്‍ ബാങ്കുകള്‍ക്ക് അവധിയായിരിക്കും.
ജൂലായ് 9 ദ്രുക്പ ത്‌ഷെ സി അനുബന്ധിച്ച് ഗാംഗ്‌ടോക്കിലെ ബാങ്കുകള്‍ക്ക് അവധിയായിരിക്കും.
ജൂലായ് 13 രണ്ടാം ശനിയാഴ്ച
ജൂലായ് 14 ഞായറാഴ്ച രാജ്യത്തെ എല്ലാ ബാങ്കുകള്‍ക്കും അവധിയായിരിക്കും.
ജൂലായ് 16 ഹരേല പ്രമാണിച്ച് ഡെറാഡൂണിലെ ബാങ്കുകള്‍ക്ക് അവധിയായിരിക്കും.
ജൂലായ് 17 മുഹ്‌റം പ്രമാണിച്ച് രാജ്യത്തെ പല സംസ്ഥാനങ്ങളിലെയും ബാങ്കുകള്‍ക്ക് അവധിയായിരിക്കും.
ജൂലായ് 21 ഞായറാഴ്ച രാജ്യത്തെ എല്ലാ ബാങ്കുകള്‍ക്കും അവധിജൂലായ് 27നാലാം ശനിയാഴ്ച
ജൂലായ്28 ഞായറാഴ്ച രാജ്യത്തെ എല്ലാ ബാങ്കുകള്‍ക്കും അവധി
